Wardha News: शेतकऱ्यांना दिवसा किमान १२ तास वीजपुरवठा मिळावा आणि सध्याच्या पहाटेच्या वेळेत होणाऱ्या वीजपुरवठ्यात तातडीने बदल करण्यात यावा, या मागणीसाठी क्रांतिकारी शेतकरी संघटना व युवा संघर्ष मोर्चाच्या वतीने देवळी येथील महावितरण कार्यालयावर शेकडो शेतकऱ्यांनी मोर्चा काढला. या आंदोलनाचे नेतृत्व किरण ठाकरे यांनी केले..सध्या गहू, हरभरा, तीळ ही रब्बी पिकांना पाणी देण्याची अत्यंत गरज आहे. नियमित आणि मुबलक पाण्याशिवाय उत्पादनावर थेट परिणाम होतो. मात्र महावितरणच्या ढिसाळ नियोजनामुळे जेमतेम सात तासही वीज मिळत नाही. मिळणारी वीज पहाटे चार वाजल्यापासून सुरू होत असल्याने कडाक्याच्या थंडीत पिकांना पाणी देणे आणि शेतात काम करणे शेतकऱ्यांसाठी अत्यंत अडचणीचे ठरत आहे..Farmers Protest: युरोपियन युनियन –मर्कोसूर कराराच्या विरोधात फ्रान्समधील शेतकऱ्यांचा एल्गार; ट्रॅक्टरसह पॅरिसमध्ये धडक.या पार्श्वभूमीवर वीजपुरवठ्याची वेळ दिवसा करण्यात यावी. एकूण वीजपुरवठा किमान १२ तास करण्यात यावा, अशी मागणी ठाकरे यांनी कार्यकारी अभियंता श्री. तेलरांधे यांच्याकडे निवेदनाद्वारे केली. येत्या आठ दिवसांत या मागण्यांवर निर्णय न झाल्यास महावितरण कार्यालयासमोर ठिय्या आंदोलन छेडण्यात येईल, असा इशाराही त्यांनी दिला..Farmers Protest: नुकसानीच्या अनुदान यादीत घोळ; शेतकऱ्यांचे ‘शोले स्टाइल’ आंदोलन.या आंदोलनात प्रवीण कात्रे, गौतम पोपटकर, समीर सारजे, संदीप दिघीकर, प्रवीण इंगळे, अमोल वाटमोडे, विनोद पवार, शुभम गावंडे, लोभश जंगले, नारायण राऊत, नानाजी इंगोले, आशीष गावंडे, सुनील देशमुख, .अमोल मानकर, आर्तेश खोकले, हरीश भालेराव, किसनाजी लोणकर, अक्षय कोठेकर, कार्तिक लांबट, अजय कदम, तुषार भोयर, प्रशांत केणे, शैलेश पुनसे, श्रीकांत काळे, अंकुश दाभेरे, प्रणित हुस्नापुरे, दीपक कोठेकर, कमलाकर खराबे यांच्यासह शेकडो शेतकरी सहभागी झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
