Kolhapur Farmers Issues: प्रस्तावित शक्तिपीठ महामार्गाविरोधात मंगळवारी (ता. ९) शेतकऱ्यांनी ‘एकच जिद्द ‘शक्तिपीठ’ रद्द’ अशा घोषणा देत शहर दणाणून सोडले. दसरा चौक ते जिल्हाधिकारी कार्यालय असा विराट मोर्चा काढत शेतकऱ्यांनी सरकारला थेट इशारा दिला. या वेळी हजारो शेतकरी, महिला आणि विविध पक्षांचे नेते रस्त्यावर उतरले होते..मोर्चात खासदार शाहू महाराज छत्रपती, आमदार सतेज पाटील, आमदार ऋतुराज पाटील, स्वाभिमानी शेतकरी संघटनेचे नेते राजू शेट्टी यांच्यासह अनेक नेते सहभागी झाले होते. कोल्हापूर, सांगली, सातारा आणि सोलापूर जिल्ह्यांतील शेतकरी मोठ्या संख्येने मोर्चात पाहायला मिळाले..Shaktipeeth Highway Protest: ''पैसा नको, शेती पाहिजे, मुलांना नोकऱ्या नाहीत, खायचं काय?''; शक्तिपीठ महामार्गाविरोधात कोल्हापुरात एल्गार, हजारो शेतकरी एकवटले.‘‘मोबदल्याचे पैसे पिशवीत भरून काय करायचे? आम्हाला शेतीच हवी. मुलांना नोकऱ्या नाहीत, मग खायचे काय?’’ असा संतप्त सवाल महिला शेतकऱ्यांनी उपस्थित केला. ‘‘रक्ताचे पाट वाहतील, पण शक्तिपीठ महामार्ग होऊ देणार नाही,’’ असा निर्धारही आंदोलकांनी व्यक्त केला..Shaktipeeth Highway Issue: शक्तिपीठ महामार्गाला निमगावात तीव्र विरोध, आत्मदहन, विषप्राशनाचे प्रयत्न; प्रशासनानकडून मोजणीचा निर्णय रद्द.सतेज पाटील यांनी सरकारवर दडपशाहीचा आरोप करत, ‘‘मोर्चा सुरू असताना सांगली आणि सोलापूरमध्ये जमिनीची मोजणी केली जात आहे. हिंमत असेल तर शेतकरी उपस्थित असताना मोजणी करून दाखवा,’’ असा इशारा दिला. तर शेट्टी यांनी केवळ काही उद्योग समूहांच्या फायद्यासाठी हा महामार्ग लादला जात असल्याचा आरोप केला..कोल्हापूर जिल्ह्यातील तब्बल ७३ गावांमधून जाणाऱ्या या महामार्गामुळे सुपीक बागायती जमीन बाधित होणार असल्याने शेतकरी आक्रमक झाले आहेत. ‘‘विकासाच्या नावाखाली शेती उद्ध्वस्त करणारा हा प्रकल्प तत्काळ रद्द करा,’’ अशी एकमुखी मागणी मोर्चेकऱ्यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
