Nanded News : राज्य शासनाने यंदा पंतप्रधान पीकविमा योजना सुधारित स्वरूपात लागू केली आहे. यात शेतकऱ्यांना पिकाच्या विविध टप्प्यावर होणाऱ्या नुकसानीनुसार सर्वाधिक परतावा मिळणारे चार ट्रिगर रद्द केले आहेत. यामुळे यंदा जिल्ह्यात खरिपाचे ९० टक्क्यांपेक्षा अधिक नुकसान होवूनही शेतकरी विमा कंपनीकडून तीन घटकाअंतर्गत मिळणाऱ्या अंदाजित ७०० कोटींच्या नुकसान भरपाईला मुकले आहेत..पीकविमा योजनेत शासनाने महत्त्वाचे बदल करून शेतकऱ्यांना पिकांच्या वेगवेगळ्या टप्प्यात नैसर्गिक आपत्तीमुळे होणाऱ्या नुकसानीपासून भरपाई मिळणारे चार ट्रिगर बंद केले. यात स्थानिक नैसर्गिक आपत्ती, मध्य हंगामातील प्रतिकूल परिस्थिती, काढणी पश्चात नुकसान तसेच पेरणीअभावी झालेले नुकसान या ट्रीगरचा समावेश आहे..Crop Insurance : विमा परताव्याची रत्नागिरीतील ३६ हजार बागायतदारांना प्रतीक्षा.विमा कंपनीच्या नव्या योजनेत केवळ पीक कापणी प्रयोगाच्या आधारावर येणारे उत्पादन गृहित धरून उत्पादन आधारित नुकसानभरपाई या घटकानुसार विमा परतावा मिळण्याचे एकमेव ट्रीगर ठेवले आहे. मागील चार-पाच वर्षांत जिल्ह्यात शेतकऱ्यांना या घटकाअंतर्गत अत्यंत तोकडा विमा मिळाला आहे. तर इतर घटकानुसार मात्र शेतकऱ्यांना चांगली भरपाई मिळाली. जिल्ह्यात मागील चार वर्षांत साडेअठरा कोटी रुपयांचा परतावा मिळाला..Crop Insurance : शेतकऱ्यांना मिळणार १२७ कोटींची भरपाई.यंदा तर अतिवृष्टी तसेच पूरस्थिती निर्माण झाल्यामुळे शेतकऱ्यांचे मोठ्या प्रमाणात नुकसान झाले. यामुळे आजच्या घडीला मध्य हंगामातील प्रतिकूल परिस्थिती या घटकानुसार अर्धे नुकसान गृहित धरले तरी ३७५ कोटी रुपये शेतकऱ्यांना भरपाई मिळाली असती. तर स्थानिक नैसर्गिक आपत्ती या घटकांनुसार साडेतीनशे कोटी रुपये मिळाले असते. इतर घटकातून २५ ते ५० कोटी असा एकूण ७०० कोटी रुपयांचा परतावा मिळाला असता, अशी शेतकरी चर्चा करीत आहेत..चार वर्षांत शेतकऱ्यांना मिळालेला परतावावर्ष शेतकरी संख्या मिळालेला परतावा२०२१ ४,१५,३३५ ५२१ कोटी२०२२ ५,१४,८६८ ५०३ कोटी२०२३ ५,४७,३६३ ४६० कोटी२०२४ ५,३२,०४८ ४०२ कोटी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
