Jalgaon News : प्रधानमंत्री खरीप पीकविमा योजनेला खानदेशात यंदा कमी प्रतिसाद मिळाला आहे. परतावे न मिळणे, विमा कंपनीची मनमानी व परिमाणके बदलून उंबरठा उत्पादन हा निकष ठेवल्याने या योजनेकडे यंदा अनेकांनी पाठ फिरविल्याची स्थिती आहे. .यंदा फक्त उंबरठा उत्पादन हे परिमाणक या पीकविमा योजनेसंबंधी आहे. मागील वेळेस एक रुपयात पीकविमा योजनेत काढणीपूर्व, काढणीपश्चात नुकसान, पाऊस आदी बाबींत नुकसानीसंबंधी परतावे देय होते. .Crop Insurance : जालन्यातील दोन लाख ६१ हजार शेतकऱ्यांनी भरला पीकविमा.परंतु या योजनेतून मागील वेळेस परतावे अनेकांना मिळाले नाहीत. ओला दुष्काळ होता. परंतु उंबरठा उत्पादनाचा निकष व अन्य परिमाणकांमुळे कापूस, सोयाबीन व अन्य पिकांसंबंधी नुकसान होवूनही परतावे मिळाले नाहीत. शासन या योजनेचा गवगवा करते, परंतु भरपाई मिळत नाही, असे शेतकऱ्यांचे म्हणणे आहे..मोठा सहभाग घटलानंदुरबारात मागील वर्षी ८८ हजारांवर शेतकरी या योजनेत सहभागी झाले होते. यंदा सुमारे ११ हजार शेतकरी सहभागी झाले आहेत. जळगाव जिल्ह्यात यंदा सुमारे सव्वातीन ५५ हजार शेतकऱ्यांनी योजनेत सहभाग नोंदविला आहे. धुळ्यात सुमारे दीड लाख शेतकऱ्यांनी खरिपात विविध पिकांसाठी विमा संरक्षण घेतले होते. यंदा १४ शेतकरी योजनेत सहभागी झाले आहेत. .Crop Insurance: मुदतवाढीनंतरही पीकविम्याच्या अर्जांमध्ये ५० टक्क्यांची घट.उंबरठा उत्पादनाच्या निकषावर नाही विश्वासया योजनेत किडींमुळे होणाऱ्या नुकसानीबाबत परतावे मिळत नाहीत. यंदा अतिवृष्टी व दुष्काळ यासंबंधी नुकसान भरपाई किती मिळेल, असा प्रश्न शेतकऱ्यांच्या मनात होता. मागील वेळेस उंबरठा उत्पादनाच्या निकषात विमाधारक परताव्यांसाठी पात्र ठरले नाहीत. .खानदेशात कापूस पिकासाठी सर्वाधिक विमा संरक्षण घेणारे शेतकरी आहेत. त्यापाठोपाठ सोयाबीन पिकासंबंधी विमा संरक्षण घेतले जाते. कापसाची खानदेशात सर्वाधिक आठ लाख हेक्टरवर लागवड केली जाते. परंतु या सर्व क्षेत्रासाठी विमा संरक्षण यंदा घेण्यात आलेले नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
