Latur News: सोयाबीनची हमीभावाने विक्री करण्यासाठी आलेल्या शेतकऱ्याकडून हमालीच्या नावाखाली ९६० रुपयांची लाच घेताना केंद्रावरील दोन ऑपरेटरना लाचलुचपत प्रतिबंधक विभागाच्या पोलिसांनी अटक केली आहे. हालसी (तुगाव, ता. निलंगा) येथील मार्केटिंग फेडरेशनच्या हमीभाव केंद्रावर गुरुवारी (ता. २७) पोलिसांनी ही कारवाई केली. यामुळे सर्वच ठिकाणी हमीभाव केंद्रावरील होणारी शेतकऱ्यांची पिळवणूक ठळकपणे समोर आली आहे..पोलिसांनी सांगितले, की हालसी तुगाव येथे मार्केटिंग फेडरेशनचे हमीभाव केंद्र असून गावातील विविध कार्यकारी सेवा सहकारी सोसायटीच्या माध्यमातून हे केंद्र चालवण्यात येते. या केंद्रावर एका शेतकऱ्याने साडेतेरा क्विंटल सोयाबीन बुधवारी (ता. २६) विक्रीसाठी नेले. केंद्रावर चाळणी व वजन केल्यानंतर सोयाबीनच्या ३२ कट्ट्यांसाठी (पोते) केंद्रावरील ऑपरेटर सहायक योगेश व्यंकटराव बिरादार (वय ३४) व ऑपरेटर सूर्यकांत बिरादार यांनी हमालीच्या नावाखाली शेतकऱ्याकडे ९६० रुपयांच्या लाचेची मागणी केली..Bribe Case: लाचप्रकरणी ग्रामसेविका ‘एसीबी’च्या जाळ्यात.लाच देण्याची इच्छा नसल्याने शेतकऱ्याने लातूर येथील लाचलुचपत प्रतिबंधक विभागाशी संपर्क साधून दोघांविरुद्ध रितसर तक्रार दिली. तक्रारीच्या अनुषंगाने विभागाच्या पोलिसांनी गुरुवारी (ता. २७) पडताळणी केली असता योगेश बिरादार व सूर्यकांत बिरादार यांनी शेतकऱ्याकडे लाचेची मागणी केल्याचे निष्पन्न झाले. त्यानंतर पोलिसांनी सापळा लावला. यात दुपारी साडेचार वाजता योगेश व सूर्यकांत बिरादार यांना पोलिसांनी रंगेहात पकडले..Arrest in Bribe: ‘कृषी’च्या गुणवत्ता निरीक्षकाला तीस हजारांची लाच घेताना अटक.विभागाचे पोलिस उपअधीक्षक संतोष बर्गे यांच्या नेतृत्वाखालील पथकाने ही कारवाई केली. पथकात पोलिस निरीक्षक जगदीश राऊत, पोलिस निरीक्षक विशाल बहात्तरे, पोलिस कर्मचारी फारुक दामटे, भीमराव आलुरे, शाम गिरी, मंगेश कोंडरे, किरण गंभीरे, गजानन जाधव, शाहाजान पठाण, असलम सय्यद, परवीन तांबोळी व संतोष क्षीरसागर यांचा समावेश होता. अटक केलेल्या दोघांविरुद्ध औराद शहाजानी (ता. निलंगा) पोलिस ठाण्यात लाचलुचपत प्रतिबंधक कायद्यानुसार गुन्हा दाखल करण्यात आल्याचे श्री. बर्गे यांनी सांगितले. दोन्ही संशयितांच्या झडतीमध्ये त्यांच्याकडे आढळून आलेले मोबाईलही पोलिसांनी जप्त केले आहेत..विषय किरकोळ पैशांचा नाही. काढणी, मळणी, वाहतूक अनेक खर्चांना तोंड देताना शेतकरी हतबल होतो. शेतकऱ्यांनी कितीही कमी पैसे मागत असले तरी लाच देण्यास विरोध करावा. लाचलुचपत प्रतिबंधक विभागाशी संपर्क करावा. टोल फ्री नंबर १०३४ वर तक्रार करावी.संतोष बर्गे, पोलिस उपअधीक्षक, लातूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
