Yavatmal News: पुसद बाजार समितीतील नाफेड खरेदी केंद्रावर सोयाबीन उत्पादक शेतकऱ्यांची सर्रास लूट सुरू असल्याचा आरोप करण्यात आला आहे. कट्टीच्या नावाखाली ५० किलोच्या पोत्यामागे एक किलो अतिरिक्त सोयाबीन घेतले जात असून ग्रेडिंग, मापारी व इतर शुल्कांच्या नावाखाली निर्धारित शुल्कापेक्षा जादा रक्कम वसूल केली जात असल्याचा आरोप शेतकरी वंदना आडे यांनी केला आहे..पुसद तालुक्यातील मांजरजवळा येथील रहिवासी वंदना मदन आडे व मदन दगडू आडे या दाम्पत्याने बुधवारी (ता. ३१ डिसेंबर) पुसद बाजार समितीत अनुक्रमे १४ व ६ क्विंटल असे एकूण २० क्विंटल सोयाबीन विक्रीसाठी आणले होते. मात्र, घरून प्रतवारी करून आणल्यानंतरही पुन्हा प्रतवारी करण्यास सांगण्यात आले. ग्रेडिंग व मापारीसाठी ५५ रुपये निर्धारित शुल्क असताना प्रत्यक्षात १०० रुपयांची वसुली करण्यात आल्याचा आरोप त्यांनी केला आहे. .Farmer Exploitation : खरेदी केंद्रांवर शेतकऱ्यांची लूट.इतकेच नव्हे तर प्रत्येक ५० किलोच्या पोत्यामागे एक किलो सोयाबीन कट्टी म्हणून मागितले जात असल्याचेही या दाम्पत्याने सांगितले. शेतीमाल प्रतवारीसाठी भाडेतत्त्वावर आणलेल्या चाळणीचे शुल्कही शेतकऱ्यांकडूनच वसूल करण्यात येत असल्यामुळेच जादा आकारणी होत असल्याचा दावा करण्यात आला आहे. या प्रकाराकडे बाजार समिती प्रशासन जाणीवपूर्वक दुर्लक्ष करत असल्याचा आरोप शेतकऱ्यांनी केला आहे..Farmer Issue : सहा क्विंटल २१ किलो कांदा विक्रीतून मिळाला शून्य रुपया.दरम्यान, (कै.) वसंतराव नाईक यांची जन्म व कर्मभूमी म्हणून ओळखल्या जाणाऱ्या पुसद तालुक्यात शेतमाल खरेदीत अशा प्रकारची लूट होणे अत्यंत व्यथित करणारे असल्याची प्रतिक्रिया शेतकरी नेते मनीष जाधव यांनी व्यक्त केली आहे..या प्रकरणावर बाजार समितीचे सचिव शिवाजी मगर यांनी आरोप फेटाळून लावत दहा किलोमीटरच्या परिघात अन्य खरेदी केंद्र नसावे असा शासन आदेश असतानाही }दोन केंद्र असल्याबाबत तक्रार करण्यात आली आहे. त्या तक्रारीमुळेच बाजार समितीची बदनामी करण्यासाठी खोट्या अफवा पसरविल्या जात असल्याचा दावा त्यांनी केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
