Storage Subsidy in Buldhana: सुगीच्या काळात बाजारात शेतीमालाची आवक वाढल्याने दरात घसरण होते. अशा वेळी शेतकऱ्यांनी शेतीमालाची घाईने विक्री न करता महाराष्ट्र राज्य वखार महामंडळाच्या गोदामात साठवणूक करावी. वखार पावतीच्या आधारे शेतमालाच्या बाजारमूल्याच्या ७० टक्क्यांपर्यंत, वार्षिक नऊ टक्के व्याजदराने तारण कर्ज उपलब्ध करून दिले जाते. या सुविधेचा शेतकऱ्यांनी लाभ घ्यावा, असे आवाहन वखार आपल्या दारी अभियानांतर्गत करण्यात आले..यावेळी महाराष्ट्र सहकार विकास महामंडळाचे शेतमाल तारण व्यवस्थापन तज्ज्ञ प्रशांत चासकर यांनी गोदाम पावतीशी संबंधित शासकीय योजनांची माहिती दिली. वखार महामंडळाचे गोदाम व बाजार जोडणी व्यवस्थापक कुशाग्र मुंगी यांनी विक्री व्यवस्थापनाविषयी, तर विभागीय व्यवस्थापक दीपक बेदरकर यांनी खत व निविष्ठा वितरणाबाबत मार्गदर्शन केले. मंडल कृषी अधिकारी विलास जाधव यांनी कृषी विभागाच्या विविध योजनांसह जलतारा अभियानाची माहिती दिली..Warehouse Receipt: शेतीमाल तारण म्हणून वापर करतानाची नियमावली.यावेळी वखार महामंडळाचे साठा अधीक्षक शिवशंकर निकस, अमोल जाधव, बुलडाणा अर्बनचे विभागीय व्यवस्थापक किरण शिरसाट, सोनपाऊल शेतकरी उत्पादक कंपनीचे अध्यक्ष कांताराम वायाळ पाटील, संचालक महेश पिंपरकर, संजय सानप, विविध कार्यकारी सहकारी संस्थेचे सचिव विजय चनखोरे यांच्यासह शेतकरी, शेतकरी उत्पादक कंपन्या आणि सहकारी संस्थांचे प्रतिनिधी उपस्थित होते..Agriculture Mortgage Loan : ‘शेतीमाल तारण’साठी औसा बाजार समितीचे पहिले पाऊल.महाराष्ट्र राज्य वखार महामंडळ आणि महाराष्ट्र सहकार विकास महामंडळ यांच्या संयुक्त विद्यमाने सोमवारी (ता. २६) लोणार तालुक्यातील अंजनी खुर्द येथील वखार केंद्रात एकदिवसीय कार्यशाळा घेण्यात आली. या वेळी शेतीमाल साठवणूक आणि तारण कर्ज योजनेची माहिती देण्यात आली. वखार महामंडळाच्या गोदामांत शेतमाल साठवणुकीची सुविधा उपलब्ध आहे. शेतकरी आणि शेतकरी उत्पादक कंपन्यांना ऑनलाइन प्रणालीद्वारे कमीत कमी वेळेत तारण कर्ज मिळू शकते..शेतकऱ्यांना साठवणूक भाड्यात ५० टक्के, तर शेतकरी उत्पादक कंपन्यांना २५ टक्के सवलत दिली जाते. गोदामात साठवलेल्या शेतमालाचा १०० टक्के विमा उतरविण्यात येतो. तसेच शेतमालाचे किडींपासून संरक्षण करण्यासाठी औषधफवारणी केली जाते. त्यासाठी अतिरिक्त शुल्क आकारले जात नाही. काही वखार केंद्रांवर शेतमाल स्वच्छता आणि प्रतवारीची सुविधाही उपलब्ध आहे. कार्यक्रमाचे आभार सोनपाऊल शेतकरी उत्पादक कंपनीचे संचालक संजय सानप यांनी मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
