Latur News: देवणी तालुक्यात कांदा रोपांची लागवड मोठ्या प्रमाणात वाढत असून, ग्रामीण भागात शेतकरी सलग कांदा लागवडीसह उस पिकात आंतरपीक म्हणूनही कांदा लागवड करीत आहेत..कांदा आहारातील मुख्य घटक असून, गृहिणींना फोडणीसाठी लागणारा कांदा यावर्षी महाग असून, खरीप हंगामातील सततचा पाऊस आणि दमट हवामानामुळे लागवडीतील काही प्रमाणात घट झाली आहे. ग्रामीण भागातील शेतकरी वर्षभर घरगुती वापरासाठी कांदा लागवड करतात, तर दवणहिप्परगा भागात व्यापारी तत्त्वावर मोठ्या प्रमाणात उत्पादन घेतले जाते..Onion Cultivation: ‘कसमादे’त कांदा लागवडीच्या कामांना वेग.नोव्हेंबर ते डिसेंबर महिन्यात कांदा लागवड केली जाते. शेतकरी सध्या लावणीसाठी कांदा रोपे खरेदी करत आहेत, ज्यांचे भाव प्रतिकिलो सुमारे १५ रुपये झाले आहेत. लागवडीसाठी वाफा पद्धत, सरी वंरबा किंवा उसामध्ये आंतरपीक म्हणून कांदा लावला जातो. काही शेतकरी थेट पेरणी करूनही उत्पादन घेतात. दीड महिने अगोदर रोपांसाठी बियाणे पेरणी करणे आवश्यक असते, मात्र यावर्षी सततच्या पावसाने आणि धुक्यामुळे रोपांचे मोठे नुकसान झाले आहे. त्यामुळे शेतकऱ्यांना विकतच्या रोपांवर अवलंबून रहावे लागत आहे..वलांडी आणि देवणी येथील आठवडी बाजारात गेल्या महिन्यापासून कांदा रोपांची आवक झाली असून मागणी चांगली आहे..Onion Cultivation: उन्हाळी कांद्यासाठी कोणती सुधारित लागवड पद्धत वापरावी?.दीड महिन्याच्या रोपांच्या लागवडीनंतर तीन महिन्यांत कांदा पक्व होतो. तज्ज्ञांच्या मते, योग्य वाणाची निवड, वेळेत लावणी, सिंचनात सातत्य, खत आणि कीडरोग व्यवस्थापन केल्यास एकरी १०० क्विंटलपर्यंत उत्पादन शक्य आहे. बाजारभावात तेजी राहिल्यास बागायती पिकापेक्षा अधिक फायदेशीर ठरते..कांदा उत्पादनात आम्ही अनेक वर्षांपासून सातत्य ठेवले आहे. सततच्या पावसामुळे रोपांचे नुकसान झाले. त्यामुळे दरात तेजी शक्य आहे. कांदा लागवडीसाठी एकरी १० ते १२ हजार रुपये मजुरी लागत असल्यामुळे उत्पादन खर्च वाढत आहे.- सौरव बावगे, शेतकरी, दवणहिप्परगा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
