Kolhapur News: कोल्हापूर जिल्ह्यातील पेट्रोल पंपांवर कॅन व बाटलीतून डिझेल विक्री बंद करण्याचा आदेश जिल्हाधिकाऱ्यांनी दिल्याने शेतकऱ्यांसमोर गंभीर अडचणी निर्माण झाल्या आहेत. रब्बी पिकांच्या पेरणीच्या काळात जेसीबी, ट्रॅक्टर व रोटावेटरसारखी यंत्रे इंधनाअभावी ठप्प झाली असून, पंप दूर असल्याने यंत्रे नेणे अशक्य झाले आहे. त्यामुळे आदेशाचा फेरविचार करण्याची मागणी होत आहे..जिल्ह्यातील पेट्रोल पंपांवर कॅन व बाटलीतून डिझेल विक्री बंद करण्याचे परिपत्रक जिल्हाधिकाऱ्यांनी काढले आहे. त्यानंतर पेट्रोल पंपचालकांनी कॅन व बाटलीतून डिझेल विक्री थांबवली आहे. या निर्णयामुळे शेतकऱ्यांना शेती मशागतीची कामे यंत्रांच्या साहाय्याने करणे अशक्य झाले आहे. ज्या ठिकाणी शेतीकामांसाठी जेसीबी, ट्रॅक्टर, रोटावेटर सुरू आहेत, त्या ठिकाणी पेट्रोल-डिझेलची पर्यायी व्यवस्था कशी होणार,असा प्रश्न शेतकऱ्यांमधून उपस्थित होतआहे..Farmer Issue: विदर्भात २५ वर्षांत ४ हजारांहून अधिक शेतकऱ्यांनी संपवली जीवनयात्रा.शेतामधून ही यंत्रसामग्री पेट्रोल भरण्यासाठी थेट पंपावर घेऊन जाणे म्हणजे शेतकऱ्यांना ‘चार आण्याची कोंबडी आणि बारा आण्याचा मसाला’ अशी अवस्था निर्माण झाली आहे. सध्या शेतात रब्बी पिकांच्या पेरणीसह मशागतीची कामे जोरात सुरू आहेत. मात्र, शेती मशागतीसाठी वापरली जाणारी रोटावेटर व इतर यंत्रे पेट्रोल-डिझेलअभावी बंद ठेवावी लागत आहेत. परिणामी यंत्रांअभावी शेतीची कामे ठप्प झाली आहेत..Banana Farmer Issue: केळी उत्पादक तोट्यात.पंपावरून कॅनमधून पेट्रोल-डिझेल देण्याची मुभा द्यावी किंवा शेतकऱ्यांच्या मागणीनुसार तत्काळ पर्यायी व्यवस्था करावी, अशी मागणी होत आहे..कॅन, तसेच बाटलीमधून पेट्रोल, डिझेलची विक्री बंद केल्याने शेतकऱ्यांना शेती अवजारांसाठी लागणारे पेट्रोल, डिझेल आणण्यासाठी मोठी कसरत करावी लागत आहे.शिवाजी पाटील, शेतकरी, बानगे.जिल्हाधिकाऱ्यांनी या परिपत्रकाचा फेरविचार करावा, अन्यथा शिवसेना स्टाईलने आंदोलन करू.अशोक पाटील, जिल्हाध्यक्ष, शिवसेना शेतकरी सेना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
