Nilanga News: कृषीपंपासाठी वीज मिळत नसल्याने शेतकऱ्यांनी महावितरण कार्यालयासमोर अभियंता केंद्रे यांना घातला घेराव. ‘वीज द्या, नाहीतर आत्मदहन करू’ असा इशारा शेतकऱ्यांनी दिला..लेखी आणि तोंडी तक्रारी करूनही महावितरणकडून दुर्लक्ष होत आहे. त्यामुळे संतप्त झालेल्या हडगा, उमरगा आणि निलंगा परिसरातील शेतकऱ्यांनी सोमवारी (ता. आठ) महावितरण कार्यालयासमोर तीव्र आंदोलन करत अभियंत्यांना घेराव घातला. पाच ते सात वर्षांपासून शेतीच्या विद्युत पंपासाठी योग्य प्रमाणात वीजपुरवठा होत नसल्याने शेतीचे नुकसान होत आहे..Farmers Protest: तहसील कार्यालयावर फुलंब्रीत काँग्रेसचा मोर्चा.याकडे महावितरणचे दुर्लक्ष होत असल्याने हताश झालेल्या शेतकऱ्यांनी ‘आत्मदहना’चा इशारा दिला. शेतीच्या विद्युत पंपासाठी अनियमित आणि अपुरा वीजपुरवठा होत असल्याने पिकांना पाणी देणे शक्य होत नाही. यामुळे शेतकऱ्यांचे नुकसान होत आहे. आम्ही वारंवार महावितरणच्या अधिकाऱ्यांकडे लेखी तसेच तोंडी तक्रारी केल्या; .पण आमच्या समस्यांकडे जाणीवपूर्वक दुर्लक्ष करण्यात आले. आमच्या समस्यांची दखल घेतली गेली नाही, अशी संतप्त भावना शेतकऱ्यांनी व्यक्त केली. सोमवारी सकाळच्या सुमारास शेकडो शेतकरी एकत्र आले. त्यांनी थेट महावितरणच्या कार्यालयासमोर ठिय्या मांडला. शेतकऱ्यांनी केंद्रे यांना घेराव घातला आणि वीजपुरवठा सुरळीत करण्याची मागणी केली. शेतीच्या पंपासाठी वीज द्या, अन्यथा सर्व शेतकरी याच कार्यालयासमोर आत्मदहन करू, असा इशारा शेतकऱ्यांनी दिल्याने महावितरण कार्यालयात तणावाचे वातावरण निर्माण झाले होते. .Farmers Protest: शेतकऱ्यांच्या रेट्यामुळे वीस दिवसानंतर बाभळीचे दरवाजे बंद.शेतकऱ्यांचा आक्रमक पवित्रा पाहता अभियंता केंद्रे यांनी त्यांची बाजू ऐकून घेतली. मात्र, वीजपुरवठा कधी सुरळीत होईल, याबद्दल ठोस आश्वासन दिले नाही. दहा दिवसांत आमच्या शेतीपंपाची वीज सुरळीत झाली नाही, तर आम्ही दोनशे शेतकरी आपल्या कार्यालयासमोर आत्मदहन करू, असा इशारा आंदोलनकर्त्यांनी दिला..गावातील शेतकरी विजेच्या समस्येने त्रस्त आहेत. अनेकवेळा वीजवितरण कंपनीकडे पूर्वी डिमांड भरलेल्या शेतकऱ्यांनी वीज जोडण्याची मागणी केली; परंतु त्यांना वीज दिली जात नाही. शेतकरी संतप्त झाले आहेत.- प्रशांत वाघमारे, सरपंच, हडगा (ता. निलंगा).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
