Amaravati News: शासनाने ३१ हजार ६२८ कोटी रुपयांच्या मदतीचे पॅकेज दिवाळीपूर्वी शेतकऱ्यांच्या खात्यात जमा करण्याचे आश्वासन दिले होते. मात्र मोर्शी, वरूड तालुक्यांतील ८५ हजार शेतकऱ्यांना अद्यापपर्यंत मदतीचा एक रुपयाही न मिळाल्याने आम्हाला का फसवले, असा सवाल शेतकऱ्यांनी उपस्थित केला आहे. .जुलै ते सप्टेंबर महिन्यांत मोर्शी, वरुड तालुक्यात अतिवृष्टी व सततच्या पावसामुळे ५० हजार हेक्टर क्षेत्रावरील संत्रा पिकाचे कधीही भरून न निघणारे कोट्यवधी रुपयांचे नुकसान झाले. त्यामुळे संत्रा पट्ट्यातील शेतकऱ्यांमध्ये प्रचंड अस्वस्थता आहे. याच अस्वस्थतेतून मोर्शी तालुक्यातील निंभी येथील एका युवा शेतकऱ्याने ऐन दिवाळीच्या दिवशी आत्महत्या करून आपली जीवनयात्रा संपविली..Crop Damage : कापूस, तुरीवर आता शेतकऱ्यांची भिस्त .त्यामुळे अजून किती शेतकऱ्यांनी आत्महत्या केल्यावर मोर्शी-वरुड तालुक्यात अतिवृष्टी व सततच्या पावसामुळे झालेल्या नुकसानीची मदत मंजूर कराल, असा संतप्त सवाल दोन्ही तालुक्यांतील शेतकरी विचारत आहेत. सरकारने महाराष्ट्रातील शेतकऱ्यांसाठी मोठे मदत पॅकेज जाहीर केले आणि हे पैसे दिवाळीपूर्वी खात्यात जमा करण्याचे आश्वासन दिले..Farmer Issue: जमीन खरडून गेलेल्यांना सरसकट दिलासा नाहीच.यामुळे नुकसानग्रस्त शेतकऱ्यांमध्ये आशेचे वातावरण निर्माण झाले होते. मात्र दिवाळी झाली तरी येथील शेतकऱ्यांच्या खात्यावर एकही रुपयाची मदत जमा झाली नाही. या पार्श्वभूमीवर राष्ट्रवादी काँग्रेस पक्षाचे तालुका अध्यक्ष रूपेश वाळके यांनी शेतकऱ्यांना तातडीने मदत न मिळाल्यास तीव्र आंदोलन करण्याचा इशारा दिला आहे..अतिवृष्टीने व सततच्या पावसामुळे शेतकऱ्यांच्या जमिनी खरडून गेल्या. संत्रा मातीमोल झाला, कापूस सोयाबीन काहीच राहिले नाही. शेतकऱ्यांनी जगायचे कसे, अशी स्थिती आहे. शासनाने जाहीर केल्याप्रमाणे अद्यापही मोर्शी, वरुड तालुक्यातील शेतकऱ्यांच्या खात्यात एकही रुपया जमा झालेला नाही. या विरोधात आंदोलन केले जाईल.रूपेश वाळके, अध्यक्ष, राष्ट्रवादी युवक काँग्रेस (अजित पवार), मोर्शी तालुका.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
