Kolhapur News : यंदाच्या खरीप हंगामात कळंबा शेतीगटांतर्गत येणाऱ्या चाळीस गावांमधील शेतकऱ्यांनी भात पिकासाठी ‘वाडा कोलम’ वाणाला जास्त पसंती दिली आहे. भौगोलिक नामांकन मिळालेल्या या तांदळाला बाजारपेठेत चांगली मागणी आणि दर मिळत असल्याने सुमारे सहाशे हेक्टरपेक्षा जास्त क्षेत्रावर याची लागवड करण्यात आली आहे..या वर्षी मे महिन्यापासून समाधानकारक पाऊस पडत असल्यामुळे भात पिकाची चांगली वाढ झाली आहे. सुमारे १,५७५ हेक्टर क्षेत्रावर विविध जातींच्या भात पिकाची लागवड करण्यात आली आहे. .Rare Paddy Variety : शिराळा तालुक्यात सुधारित, दुर्मीळ भात वाणांची प्रात्यक्षिके.यामध्ये ‘वाडा कोलम’ व्यतिरिक्त ‘शुभांगी’, ‘सफारी जया’, ‘समृद्धी’, ‘एनआर २१२’, ‘सह्याद्री ३’, ‘कर्जत ७’, ‘जया’, ‘रत्ना’ आणि ‘सुवर्णा कोमल १०१’ यांसारख्या सुधारित आणि संकरित वाणांचा समावेश आहे. .काही पारंपरिक भाताच्या जातींनाही पोषणमूल्ये आणि औषधी गुणधर्मांमुळे पसंती मिळाली आहे. या वर्षी पावसाचे प्रमाण चांगले असल्याने शिवारांमध्ये भात पिके हिरवी दिसत आहेत. त्यामुळे भाताच्या उत्पादनात वाढ होण्याचा अंदाज कृषी विभागाने व्यक्त केला आहे..Colored Paddy Variety : रंगीत भात लागवडीला पसंती.कृषी सहायक नामदेव गिरीगोसावी यांच्या मते, गेल्या तीन महिन्यांपासून पडणाऱ्या पावसामुळे ३,५०० हेक्टरपेक्षा अधिक क्षेत्रातील खरीप पिकांची उगवण चांगली झाली आहे, ज्यात ऊस आणि भात पिकांचे उत्पादन वाढण्याची चिन्हे आहेत. .दरम्यान, मे आणि जूनमध्ये अधिक पाऊस झाल्यामुळे सुमारे ४५० हेक्टरपेक्षा जास्त क्षेत्रातील सोयाबीन आणि भुईमूग बियाण्यांची पेरणी अपूर्ण राहिली आहे. कळंबा येथील शेतकरी मधुकर चव्हाण यांनी सांगितले, की भात बियाण्यांऐवजी रोपांची लागवड केली आणि चांगल्या उत्पादनासाठी ‘वाडा कोलम’ची निवड केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
