Buldhana News: बुलढाणा जिल्ह्यातील अनेक भागांत गेल्या तीन दिवसांपासून अधूनमधून मुसळधार पाऊस होत आहे. या अवकाळी पावसामुळे शेतकऱ्यांचे मोठे नुकसान झाले असून, एकूण सुमारे ६ हजार हेक्टरवरील पिके उद्ध्वस्त झाल्याचे प्राथमिक अहवालात स्पष्ट झाले आहे..शनिवारपासून (ता. २०) जिल्ह्यात पावसाचा जोर वाढला आहे. कमी वेळेत झालेल्या अतिवृष्टीमुळे शेतात पाणी साचले असून, याचा फटका मुख्यतः सोयाबीन, मका, कपाशी व भाजीपाला पिकांना बसला आहे..Buldhana Heavy Rain: जोरदार पावसाने सिंदखेडराजा तालुक्यात पिकांचे नुकसान.विशेषत: सोयाबीनचे पीक काढणीला आलेले असतानाच पावसाने हानी केल्याने शेतकऱ्यांच्या हातातोंडाशी आलेला घास हिरावला गेला आहे.प्रशासनाकडून मिळालेल्या माहितीनुसार, बुलडाणा तालुक्यातील १३ गावांमध्ये तब्बल २४९७ हेक्टरवरील सोयाबीन व मक्याचे नुकसान झाले आहे..Buldhana Rain Delay: बुलडाणा जिल्हा पावसाच्या प्रतीक्षेत .तर सिंदखेडराजा तालुक्यात ३२२२ हेक्टरवरील सोयाबीन व भाजीपाला पिके पावसामुळे बाधित झाली आहेत. याशिवाय मोताळा तालुक्यात २३० हेक्टरवरील कपाशी, मका व सोयाबीनचे नुकसान झाल्याचे नमूद करण्यात आले आहे..जिल्ह्यातील शेतकरी आधीपासूनच कमी उत्पादन व दरघट यामुळे चिंताग्रस्त आहेत. त्यातच या पावसाने झालेल्या नुकसानीमुळे शेतकऱ्यांचे आर्थिक संकट गडद होण्याची शक्यता आहे. शासनाने पंचनामे करून मदत द्यावी, अशी मागणी शेतकऱ्यातून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
