Sangli News : शेतकऱ्यांच्या मागणीचा सन्मान करत शासनाने आमच्यावर लादलेला शक्तिपीठ महामार्ग रद्द करावा. हा महामार्ग रद्द न झाल्यास आम्ही रद्द करण्यास भाग पाडू, असा इशारा शेतकरी कामगार पक्ष आणि शेतकऱ्यांनी दिला. या वेळी गव्हाण (ता. तासगाव) येथील अग्रणी नदीत शक्तिपीठ महामार्गाच्या प्रतीकात्मक पुतळ्याचे विसर्जन शेतकरी कामगार पक्ष आणि शेतकऱ्यांनी शनिवारी (ता. ६) केले..‘रद्द करा रद्द करा, शक्तिपीठ रद्द करा’, ‘जमीन आमच्या हक्काची नाही कुणाच्या बापाची’, ‘शेतकरी एकजुटीचा विजय असो, विसर्जन विसर्जन शक्तिपीठ महामार्गाचे विसर्जन’, ‘इन्कलाब जिंदाबाद’, अशी जोरदार घोषणाबाजी करण्यात आली. .Shaktipeeth Highway : सांगोल्यात ‘शक्तिपीठ’चे मोजणीदार पाठविले माघारी.शासनाला शेतकऱ्यांच्या डोळ्यातील अश्रू दिसत नाहीत, गेल्या दीड वर्षापासून शेतकऱ्यांनी फोडलेला टाहो ऐकू येत नाही, शेतकऱ्यांच्या बाबतीत शासन दगड झाले आहे, अशी प्रतिक्रिया उमटू लागल्या आहेत. .शेतकरी कामगार पक्षाच्या वतीने नागपूर गोवा शक्तिपीठ महामार्ग बाधित शेतकरी संघर्ष समिती मागील दीड वर्षापासून १२ जिल्ह्यांतील बाधित शेतकरी शेतकरी कामगार पक्षाचे नेते नागपूर गोवा शक्तिपीठ महामार्ग बाधित शेतकरी संघर्ष समितीचे अध्यक्ष दिगंबर कांबळे यांच्या नेतृत्वाखाली संघर्ष करीत आहेत. शक्तिपीठ महामार्ग रद्द करण्यासाठी बाधित शेतकऱ्यांनी हजारो हरकती संबंधित भूसंपादन अधिकारी यांच्याकडे दिलेल्या होत्या, त्यावरील सुनावणीत प्रांताधिकारी यांनी शेतकऱ्यांच्या हरकती फेटाळल्या..Shaktipeeth Highway: ‘शक्तिपीठ’ बाधितांच्या सर्व हरकती फेटाळल्या.यासंदर्भात शेतकऱ्यांचे म्हणणे न ऐकून घेता दडपशाहीने मोजणी सुरू केली आहे. सांगली जिल्ह्यासह इतर जिल्ह्यांतील शेतकऱ्यांनी मोजणी अधिकाऱ्यांना प्रचंड विरोध करीत मोजणी होऊ दिली नाही. शासनाला वारंवार निवेदने याकडे दुलर्क्ष केले आहे. .शासनाच्या धोरणाचा निषेध करीत अनंत चतुर्दशीदिवशी शनिवारी (ता. ६) शक्तिपीठ महामार्गाच्या प्रतीकात्मक पुतळ्याचे विसर्जन करत शेतकऱ्यांच्या मागणीचा सन्मान करून शक्तिपीठ महामार्ग रद्द करावा आणि असे न झाल्यास येणाऱ्या काळात अति तीव्र आंदोलन करण्यात येईल, असा इशारा त्यांनी दिला..मराठा स्वराज्य संघाचे संस्थापक अध्यक्ष महादेव बापू साळुंखे, काँग्रेस किसान आघाडीचे सांगली जिल्हाध्यक्ष जोतीराम जाधव, गव्हाणचे सरपंच हणमंत पाटील, माजी उपसरपंच दत्ता पवार यांनी आंदोलनास पाठिंबा दिला. या वेळी दिगंबर कांबळे, संपर्क प्रमुख शरद पवार, दत्तात्रय पाटील, जिल्हाध्यक्ष घनश्याम नलावडे, कार्याध्यक्ष भूषण गुरव, विष्णू सावंत, संघर्ष समितीचे पदाधिकारी व शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
