Farmer Rights : शेतीपिकांच्या नुकसानभरपाईसह जमीन संपादनाबाबत प्रशासनाकडून केवळ आश्वासने दिली जात असल्याचा आरोप करत शेतकऱ्यांनी सोमवारी (ता. १८) अंमळनेर शिवारातील गोदावरी पात्रात जलसमाधी आंदोलन केले. रात्री साडेनऊनंतर हे आंदोलन थांबवून आता शेतकऱ्यांनी आमरण उपोषण सुरू केले आहे..जायकवाडी धरणाच्या फुगवट्यामुळे अंमळनेर व लखमापूर परिसरातील शेतीचे गेल्या २० वर्षांपासून मोठे नुकसान होत असल्याचा शेतकऱ्यांचा दावा आहे. या प्रश्नावर आक्रमक भूमिका घेत शेतकऱ्यांनी सोमवारी जलसमाधी आंदोलन केले. त्या अनुषंगाने जायकवाडी प्रशासनाने दिलेल्या आश्वासनांवर आंदोलकांचे समाधान झाले नाही. अखेर रात्री नऊच्या सुमारास गंगापूर पोलिसांनी आंदोलनकर्त्या शेतकऱ्यांना ताब्यात घेतले; मात्र नंतर त्यांची सुटका करण्यात आली..Farmer Protest: जामसंडेत आंबा-काजू बागायतदारांचे आंदोलन.यानंतर या शेतकऱ्यांनी आमरण उपोषण सुरू केले आहे. मंगळवारी (ता. १९) दिवसभर रखरखत्या उन्हात हे उपोषण सुरूच होते. जायकवाडी धरणाच्या फुगवट्यामुळे उभ्या पिकांचे शंभर टक्के नुकसान होत असल्याचा आरोप शेतकऱ्यांनी केला. गेल्या पाच वर्षांत अनेक आंदोलने करूनही प्रशासनाकडून ठोस कार्यवाही झाली नसल्याने शेतकऱ्यांमध्ये संताप आहे..Shaktipeeth Highway Protest: ...तर जशास तसे उत्तर कोल्हापूरकर देतील; शक्तिपीठ महामार्गविरोधात सतेज पाटलांनी दंड थोपटले, ९ जूनला भव्य मोर्चा.यापूर्वी झालेल्या आंदोलनांनंतर दोन ते तीन महिन्यांत भरपाई, संयुक्त मोजणी आणि सुधारित अहवाल देण्याची लेखी आश्वासने देण्यात आली होती. मात्र प्रत्यक्षात कोणतीही कार्यवाही झाली नसल्याचा आरोप आंदोलनकर्त्यांनी केला. जलसंपदा विभाग आणि भूमी अभिलेख विभाग एकमेकांकडे जबाबदारी ढकलत असल्याचाही आरोप यावेळी करण्यात आला..संपादनाची कागदपत्रे, हद्दीच्या खुणा आणि नुकसानभरपाईबाबत अधिकाऱ्यांना जाब विचारला असता समाधानकारक उत्तरे मिळाली नाहीत, असे शेतकऱ्यांचे म्हणणे आहे. ‘‘आता आश्वासन नको, प्रत्यक्ष कृती हवी,’’ असा पवित्रा आंदोलकांनी घेतला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
