Jalgaon News : शेतशिवारात सध्या केळी, पपई, कलिंगड, भाजीपाला पिकांत सिंचन सुरू आहे. पण अनेक भागात रोहित्र नादुरूस्त आहेत. नादुरुस्त रोहित्र दुरुस्ती करण्याबाबत चालढकल केली जात आहे. पैसे देऊन खासगी कर्मचाऱ्याच्या मदतीने दुरुस्ती करून घ्यावी लागल्याचे प्रकार अनेक गावांत घडला आहे. .या प्रकारावरून शेतकऱ्यांनी संताप व्यक्त केला आहे. लोकप्रतिनिधी वीज वितरण कंपनीवर नेहमी शेतकऱ्यांसाठी मोर्चे काढायचे, पण आता रोहित्र दुरुस्ती तर होतच नाही, पण वसुलीसाठी सूचना कशा पाठविल्या जातात, असा संताप शेतकऱ्यांनी व्यक्त केला आहे..Agriculture Irrigation Scheme: धडक सिंचन विहिरींचा कार्यक्रम शासन गुंडाळणार .गावांत किंवा ग्रामीण भागात व शिवारात वीज कंपनीचे कर्मचारी सेवा देत नाहीत, अशाही तक्रारी आहेत. यावरून नुकताच एका आढावा बैठकीत लोकप्रतिनिधींनी संतापही व्यक्त केला होता. रब्बीची तयारीखरीप हंगाम आटोपण्याच्या स्थितीत आहे. रब्बीची तयारी सुरू आहे. मागील वेळेस रब्बीच्या सुरुवातीलाच वीज कंपनीने शेतकऱ्यांना वेठीस धरले होते. यंदा वीजबिल माफी मिळते का, याचीही प्रतीक्षा आहे. पण रब्बीची तयारी सुरू असतानाच रोहित्रांची समस्या डोकेदुखी ठरत आहे. .यातच शिंगाडे म्यान झाले का, वीज वितरण कंपनीतील समस्या सुटल्या का, सर्व आलबेल आहे का, असे प्रश्न शेतकरी उपस्थित करीत आहेत. अनेक गावांत कृषिपंपांचे रोहित्र नादुरूस्त झाले आहे. ते यापूर्वीदेखील नादुरूस्त झाले व बंद पडले. त्या वेळेस शेतकऱ्यांनी खासगी कर्मचाऱ्याची मदत घेऊन दुरुस्ती करून घेतली..Agriculture Irrigation: सिंचनात कायद्याचे राज्य येईल?.दोन-तीन शेतकऱ्यांना करावा लागतो खर्चहे रोहित्र दुर्लक्षित होत आहेत. कारण सर्व शेतकरी त्यांचा उपयोग करीत नाही. फक्त, केळी, भाजीपाला उत्पादक खते देण्यासह अन्य बाबींसाठी वीज वापरतात. यात अनेक भागातील रोहित्र नादुरुस्त आहे. या रोहित्राची एकदाही वीज वितरण कंपनी किंवा संबंधितांनी दुरुस्ती केली नाही. शेतकऱ्यांना पदरमोड करून रोहित्राची दुरुस्ती करून घ्यावी लागते..रोहित्राची तातडीने दुरुस्ती करणे गरजेचे आहे. विजेच्या समस्या तशाच कायम आहेत, त्या वीज वितरण कंपनी सोडवित नाही. दुरूस्तीसाठी निधी येत नाही, का निधी येतो तर कुठे जातो, असा प्रश्न शेतकरी उपस्थित करीत असून, लोकप्रतिनिधींबाबत शेतकऱ्यांनी नाराजी व्यक्त केली जात आहे. या रोहित्राची तातडीने संबंधितांनी दुरुस्ती करावी, अशी मागणीदेखील केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
