Pune News : माळशिरस गावाच्या पूर्वेला मामावाडी (ता. पुरंदर) येथील पाझर तलाव मे-जून महिन्यात झालेल्या अतिवृष्टीमुळे पाण्याने पूर्ण क्षमतेने भरला होता. यामुळे पुढील वर्षभराच्या कालावधीत पाणीपुरवठा विहिरींना चांगला होईल. .शेती सिंचनासाठी पाणी उपलब्ध होईल, अशी अपेक्षा तलावातील परिसरातील लाभार्थी शेतकऱ्यांना होती. मात्र, गळतीमुळे दोन महिन्यातच तलावात २० टक्केच पाणीसाठा उरला आहे. यामुळे शेतकऱ्यांच्या स्वप्नांवर पाणी फिरले आहे..Parbhani Water Crisis : परभणी जिल्ह्यातील नऊ लघू प्रकल्पांमध्ये शून्य टक्के साठा.तलावाची गळती शासनाने तातडीने थांबण्यासाठी उपाययोजना करण्याची मागणी शेतकऱ्यांकडून होत आहे. दरम्यान, पाण्याच्या दाबामुळे तलाव फुटण्याच्या स्थिती निर्माण झाली होती. मात्र, सध्या होत असलेल्या गळतीमुळे तलाव रिकामा होत आहे. मोठ्या प्रमाणात पाऊस होऊनही दिवाळीनंतर पाणी टंचाई निर्माण होण्याची शक्यता निर्माण झाली आहे..Khandesh Water Crisis : पावसाअभावी प्रकल्पांतील आवक अल्प.मामावाडी वस्तीलगत जुन्या काळातील मोठा तलाव आहे. मागील अनेक वर्षानंतर यंदा प्रथमच मे महिन्यात व त्याला लागूनच जूनमध्ये झालेल्या अतिवृष्टीमुळे हा तलाव पूर्ण क्षमतेने भरला होता. तलाव पूर्ण क्षमतेने भरून देखील वरील भागातून पाण्याचा सातत्याने पुरवठा होत असल्याने व तलावाचा सांडवा उंचावर होऊन मधील भागातील भराव दबला गेल्याने सांडव्यातून पाणी बाहेर येत नसल्याने तलाव फुटतो की काय अशी परिस्थिती निर्माण झाली होती.\.यामुळे शेतकऱ्यांना पर्यायी स्वरूपात जीसीपी लावून पाणी काढण्याची व्यवस्था करावी लागली. एवढ्या मोठ्या प्रमाणावर या तलावात अनेक वर्षानंतर पाणी येऊन देखील तलावाच्या तळातील भागातून मोठ्या प्रमाणावर पाण्याची गळती होत असल्याने दोन महिन्यातच पाऊस उघडल्यानंतर या तलावातील ८० टक्के पाण्याची गळती होऊन होऊन फक्त २० टक्के पाणी शिल्लक राहून तलाव रिकामा होण्याच्या मार्गावर आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
