Baramati News: केंद्र सरकारच्या ॲग्रीस्टॅक योजनेअंतर्गत फार्मर आयडी नोंदणीसाठी वापरली जाणारी माहिती कालबाह्य असल्याने अनेक शेतकऱ्यांना डिजिटल शेतकरी ओळखपत्र मिळण्यात अडचणी येत आहेत. गेल्या दोन-तीन वर्षांपूर्वी जमीन खरेदी केलेल्या शेतकऱ्यांचे गट नंबर अद्याप जुन्या मालकांच्या नावे असल्याने त्यांना ॲग्रीस्टॅक पोर्टलवर नोंदणी करता येत नाही. यामुळे शेतकऱ्यांना पीएम शेतकरी सन्मान निधी, पीकविमा योजना यासारख्या केंद्र व राज्य सरकारच्या विविध योजनांचा लाभ घेता येत नसल्याची खंत शेतकरी व्यक्त करत आहेत..माहिती किती जुनी ?केंद्र सरकारच्या ॲग्रीस्टॅक योजनेअंतर्गत शेतकऱ्यांच्या नोंदणीसाठी वापरला जाणारी माहिती ही साधारणपणे २०२१-२२ या कालावधीतील आहे. यामध्ये अनेक ठिकाणी जमिनीच्या मालकी हस्तांतराची (फेरफार) माहिती अपडेट झालेली नाही. यामुळे नवीन जमीन मालकांचे गट नंबर जुन्या मालकांच्या नावाने दिसतात. ही माहिती आधार कार्ड, बँक खाते आणि सात-बारा उताऱ्याशी जोडली गेल्याने, नोंदणी प्रक्रियेत तांत्रिक अडचणी येत आहेत. स्थानिक तलाठी आणि महसूल विभागाकडून फेरफार नोंदणी पूर्ण होऊनही ॲग्रीस्टॅक पोर्टलवर ही माहिती अद्ययावत न झाल्याने शेतकऱ्यांचा खोळंबा होत आहे..Farmer ID: फार्मर आयडीच्या गोंधळाचा शेतकऱ्यांना फटका.विशेषतः ज्यांनी दोन-तीन वर्षांपूर्वी जमीन खरेदी केली आहे, त्यांना ही समस्या भेडसावत आहे. यामुळे पीएम किसान योजनेच्या ६,००० रुपयांच्या वार्षिक अनुदानापासून ते पीकविमा आणि शेतीसाठीच्या इतर अनुदानांसारख्या अनेक लाभांपासून शेतकरी वंचित राहत आहेत. केंद्र सरकारने ॲग्रीस्टॅकवरील माहिती नियमितपणे अद्ययावत करण्यासाठी विशेष मोहीम राबवावी, अशी मागणी शेतकरी आणि कृषी तज्ज्ञांनी केली आहे..Farmer ID : योजनांच्या लाभासाठी ‘फार्मर आयडी’ आवश्यक.मी दोन वर्षांपूर्वी गोजूबावी येथे शेती विकत घेतली आहे. या शेतीमध्ये मला आता फळबाग लागवड करायची आहे. मात्र ॲग्रीस्टॅकवरील सध्या माझ्या मालकीच्या असलेल्या शेतीचा गट क्रमांक हा जुन्या मालकाच्या नावे दाखवला जात असल्याने मला फार्मर आयडी मिळत नाही. याबाबत कृषी व महसूल विभागाकडे विचारणा केली असता माहिती अद्ययावत करण्याचे काम आमच्याकडे नाही असे त्यांनी सांगितले.प्रदीप शिंदे, शेतकरी, गोजुबावी (ता. बारामती).ॲग्रीस्टॅकवरील माहिती ही केंद्र सरकारच्या डिजिटल डेटाबेसवर अवलंबून आहे. स्थानिक पातळीवर फेरफार नोंदणी झाली तरी ती केंद्रीय डेटाबेसमध्ये अपडेट झाल्याशिवाय या शेतकऱ्यांची नोंदणी होऊ शकत नाही. याबाबत वरिष्ठांना कळविले आहे. जेव्हा ही माहिती अद्ययावत होईल तेव्हा या शेतकऱ्यांची नोंदणी होऊ शकेल.चेतन महानवर, नेटवर्क इंजिनीअर, महसूल विभाग, बारामती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
