मंत्री नितीन गडकरी यांनी, इथेनॉल उत्पादन आणि आर्थिक फायदे याचे महत्त्व अधोरेखित केले मक्यापासून इथेनॉल उत्पादनातून शेतकऱ्यांना ४५ हजार कोटींचे अतिरिक्त उत्पन्न मिळालेयंदा १ ते १.२ कोटी टन मक्याचा पुरवठा इथेनॉल उत्पादनासाठी होण्याचा अंदाज.Ethanol Production: केंद्रीय रस्ते वाहतूक आणि महामार्ग मंत्री नितीन गडकरी यांनी पुन्हा एकदा इथेनॉल उत्पादन आणि त्याचे आर्थिक फायदे याचे महत्त्व अधोरेखित केले आहे. मक्यापासून इथेनॉल उत्पादनातून शेतकऱ्यांना ४५ हजार कोटी रुपयांचे अतिरिक्त उत्पन्न मिळाले असल्याचे गडकरी यांनी सांगितले. ते २० व्या एफआयसीसीआय उच्च शिक्षण शिखर परिषदेत बोलत होते. .यावेळी गडकरी यांनी असा अंदाज व्यक्त केला की, भारतातील इलेक्ट्रिक वाहनांचे (EVs) दर पुढील चार ते सहा महिन्यांत पेट्रोलवर चालणाऱ्या वाहनांच्या दरांएवढे होतील. त्यांनी जीवाश्म इंधनांवरील भारताचे जे अवलंबित्व आहे ते कमी करण्याच्या महत्त्वावर भर दिला. देशात मोठ्या प्रमाणात इंधन आयात केले जाते. त्यावर दरवर्षी २२ लाख कोटी रुपये खर्च होतो. हा एक आर्थिक भार असून त्याचबरोबर ते पर्यावरणासाठी धोक्याचे असल्याचे त्यांनी नमूद केले..Ethanol Blending: इथेनॉल मिश्रणाने साखर कारखान्यांना नवसंजीवनी; अमित शहा.भारतीय ऑटोमोबाईल उद्योगाबाबत बोलताना गडकरी म्हणाले की, पाच वर्षांत भारतातील ऑटोमोबाईल उद्योगाला जगात नंबर १ बनवण्याचे आमचे लक्ष्य आहे. "जेव्हा मी केंद्रीय रस्ते वाहतूक मंत्रीपदाचा म्हणून पदभार स्वीकारला तेव्हा भारतीय ऑटोमोबाईल उद्योगाची उलाढाल १४ लाख कोटी रुपये एवढी होती. आता भारतीय ऑटोमोबाईल उद्योगाची उलाढाल २२ लाख कोटी रुपयांवर पोहोचली आहे.".Ethanol Policy : इथेनॉल निर्मितीमुळे शेतकऱ्यांना वेळेवर पैसा मिळतो; केंद्रीय मंत्री जोशींचा दावा.दरम्यान, अमेरिकेतील ऑटोमोबाईल उद्योगाची सध्याची उलाढाल ७८ लाख कोटी एवढी आहे. त्यानंतर चीनचा क्रमांक लागतो. चीनमधील उलाढाल ४७ लाख कोटी आहे. तर भारतातील उलाढाल २२ लाख कोटी रुपये आहे..'इथेनॉल'साठी किती मक्याचा वापर?यंदाच्या खरीप आणि रब्बी हंगामात मक्याच्या एकूण ५ कोटी टन उत्पादनापैकी १ ते १.२ कोटी टन पुरवठा इथेनॉल उत्पादनासाठी होण्याचा अंदाज आहे. इथेनॉलसाठी मक्याचा जास्त प्रमाणात वापर झाल्याने भारत पहिल्यांदाच २०२४ मध्ये मक्याचा निव्वळ आयातदार देश बनला होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
