Agriculture News : पिंपोडे बुद्रुक, जि. सातारा पावसाअभावी कोरेगाव तालुक्याच्या उत्तरेकडील परिसरात घेवड्याचे उभे पीक करपून गेले आहे. कोवळ्या शेंगा वाळून गेल्यामुळे शेतकऱ्यांच्या डोळ्यात पाणी तरळले आहे. गणेशोत्सव तोंडावर असताना बाजारपेठेत शांतता आहे. .वाठार स्टेशन मंडलात ६० टक्के पीक वाळून शेतकऱ्यांचे ३० कोटी रुपयांचे आर्थिक नुकसान झाल्याचा प्राथमिक अंदाज आहे. दिल्ली बाजारासह उत्तर भारतात राजमा प्रसिद्ध आहे. खरीप हंगामात पोषक वातावरणामुळे या भागात त्याचे मोठे उत्पन्न मिळते. कमी भांडवल लागत असल्याने जिल्ह्यातील खटाव, माण, फलटण, खंडाळा या तालुक्यासह बीड, उस्मानाबादपर्यंत त्याचे उत्पादन घेतले जाते. यंदा एल निनोमुळे या पिकावर अरिष्ट ओढवले. जुलैच्या पहिल्या पंधरवड्यात चांगला पाऊस झाल्यामुळे भागात ८३०० हेक्टर क्षेत्रावर घेवड्याची पेरणी झाली. पीकही दमदार आले. मात्र, ऑगस्टपासून पावसाने दडी मारली. ऑगस्टपाठोपाठ सप्टेंबरही कोरडा निघाला आहे. घेवडा भाजीपाला की कडधान्य?.Vegetable Farming: काशीफळ, दुधी भोपळ्याचा पावसाळी हंगामात आधार.केंद्र शासनाच्या नोंदीनुसार घेवडा भाजीपाला प्रकारात येतो. त्याची नोंद कडधान्य प्रकारात करणे आवश्यक आहे. त्यानंतरच त्याचा पीक विम्यात समावेश होण्याचा मार्ग मोकळा होईल, असे एका अधिकाऱ्याने सांगितले. यासाठी लोकप्रतिनिधींनी केंद्र सरकारकडे पाठपुरावा करावा, अशी भागातील शेतकऱ्यांची मागणी आहे..Coriander Intercropping: उसातील कोथिंबिरीची नियोजनबद्ध शेती.उन्हामुळे जिरायती भागात वाळलेल्या घेवड्याच्या डहाळ्यांचे केवळ सरगडे शेतात उभे आहेत. काळवट जमिनीतील पीक हिरवे दिसत असले, तरी त्याची वाढ संपली असून, शेंगांमध्ये दाणे भरलेले नाहीत. या पिकावर शेतकऱ्यांचे वर्षाचे अर्थकारण अवलंबून असते..एकरी २० ते २५ हजार रुपये खर्च करून आम्ही पीक जोपासले. मशागत, बियाणे, खते, औषधे आणि मजुरीवर झालेला खर्च पाहता शेतकऱ्यांचे आर्थिक नुकसान झाले आहे. अनेकांनी पिकात जनावरे सोडली असून, प्रशासनाने तातडीने पंचनामे करून शेतकऱ्यांना नुकसानभरपाई द्यावी.- महेश लोंढे, माजी सरपंच, वाठार स्टेशन..शासनाने पिंपोडे बुद्रुक आणि वाठार स्टेशन परिसरातील शेतीसाठी सिंचन योजना केल्यास पिकांचे सातत्याने होणारे नुकसान कमी होऊन चांगले उत्पन्न मिळेल आणि शेतकऱ्यांचे जीवनमान उंचावण्यास मदत होईल.- डॉ. शिवम लेंभे, शेतकरी, पिंपोडे बुद्रुक..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
