Sugarcane Damage: धाराशिव जिल्ह्यात मागील काही दिवसात महावितरणच्या डीपी व लोंबकळणाऱ्या वीजतारांचे घर्षण होऊन लागलेल्या आगीत ठिकठिकाणी तीनशे एकरहून अधिक ऊस जळून खाक झाला आहे. या जळालेल्या उसाच्या गाळपासाठी साखर कारखान्यांकडून कोंडी केली जात असून पाचट जळालेली असताना वजनामध्ये ३० ते ३५ टक्के कपात केली जात आहे. दुसरीकडे शॉटसर्किटमुळे आग लागूनही नुकसान भरपाई प्रश्नी महावितरणचे अधिकारी तसेच राज्य सरकारचे ऊर्जा निरीक्षकही कानाडोळा करत असल्याच्या तक्रारी शेतकऱ्यांनी केल्या आहेत. .काही दिवसापूर्वी कळंब तालुक्यातील चार गावांतील शेतकऱ्यांचा शॉर्टसर्किटमुळे ४० हून अधिक एकर ऊस जळाला. तालुक्यातील अंबा सौंदना येथील ऋषीकेश धनराज पालकर, माणिक धोंडिबा पालकर, श्रीमंत विनायक पालकर, नवनाथ मोकिंदा पालकर, अंबादास रामा गिरी, दत्ता लिंबराज गिरी, बापू लाला गिरी, प्रभावती खंडू पालकर, निलावती मुरलीधर मोरे, आशाबाई शेषेराव दिगे, अनंत भागवत डिगे, मुरलीधर मोकिंदा गाडेकर, दत्ता केशव गाडेकर, तुकाराम अंबादास गाडेकर आणि महादेव अंबादास गाडेकर या शेतकऱ्यांचा जवळपास २५ एकर ऊस जळाला आहे..Cotton Shredder Machine: कापूस पऱ्हाटी व्यवस्थापनासाठी कॉटन श्रेडर.दाभा येथील दादासाहेब टिळे यांचा दीड एकर,करंजकल्ला येथील जगदीश पवार यांचा साडेतीन एकर, राजाभाऊ पवार यांचा दोन एकर, खंडू भाऊराव पवार यांचा साडेतीन एकर, तर लोहटा (पू.) येथील अरविंद मारुती देशपांडे यांचा पाच एकर ऊस शॉर्टसर्किटमुळे जळाला आहे. शेतातील डीपीत शॉर्टसर्किट होऊन पडलेल्या जाळाने बांधावरील वाळलेल्या गवताने आग पकडल्याने शेजारील उसाच्या फडाला आग लागून मोठे नुकसान होत असल्याचे प्रकार घडत आहेत..या पार्श्वभूमीवर शेतकरी संघर्ष समितीचे संयोजक संजय पाटील दुधगावकर यांनी जळालेल्या उसाच्या फडाची पाहणी करून नुकसानीची माहिती घेतली. एकीकडे यंदाची दुष्काळी स्थिती आणि दुसरीकडे शॉर्टसर्किटमुळे जळणारा ऊस यामुळे शेतकरी आर्थिक अडचणीत सापडला आहे. जळालेल्या उसाचे वजन आणखी घटू नये, यासाठी साखर कारखान्यांनी तातडीने या उसाचे गाळप करावे तसेच शासन व महावितरणने नुकसान भरपाई मिळून देण्यासाठी पुढाकार घ्यावा, अशी मागणी त्यांनी केली..Cotton Fire: जिनिंगच्या आगीत हजार क्विंटल कापूस खाक.परंड्यात दोनशे एकर ऊस खाकपरंडा तालुक्यातील साकत व अंतरगाव परिसरात दुपारच्या सुमारास लागलेल्या भीषण आगीत दोनशे एकरांपेक्षा अधिक क्षेत्रावरील ऊस जळून खाक झाला. या आगीत अंदाजे ७० ते ८० शेतकऱ्यांचे ऊस पीक पूर्णपणे आगीच्या भक्ष्यस्थानी पडले असून केळीच्या बागा, ठिबक सिंचन संच, विहिरीवरील सौरऊर्जा यंत्रणा, पाईप, मोटारी यांसह शेतीसाठी लागणाऱ्या साहित्याचेही मोठ्या प्रमाणात नुकसान झाले आहे. या आगीत शेतकऱ्यांचे लाखो रुपयांचे नुकसान झाल्याचा प्राथमिक अंदाज व्यक्त होत असून ऐन शेतीच्या हंगामात शेतकऱ्यांवर मोठे आर्थिक संकट कोसळले आहे. प्राथमिक माहितीनुसार, शॉर्टसर्किटमुळे आग लागल्याची शक्यता व्यक्त केली जात आहे. मात्र आगीचे नेमके कारण अद्याप स्पष्ट झालेले नाही..धाराशिव जिल्ह्यात महावितरणची वीज व्यवस्था अतिशय खराब झाली आहे. वीजेचा तारा लोंबकळत असून डीपीमध्येही सातत्याने बिघाड होत आहे. यातून होणाऱ्या शॉटसर्किटमुळे ऊसाला आगी लागत आहेत. दुष्काळामुळे आधीच शेतकरी आर्थिक संकटात सापडला असताना भरपाई द्यावी लागेल, म्हणून महावितरणचे अधिकारी तोंड लपवून फिरत आहेत. तर दुसरीकडे साखर कारखान्यांकडून जळालेल्या उसाचे गाळप करताना वजनात मोठी कपात करून अन्याय केला जात आहे. संजय पाटील दूधगाकवकर, संयोजक, शेतकरी संघर्ष समिती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
