Nanded News: नांदेड कृषी उत्पन्न बाजार समितीच्या नवा मोंढा बाजारातील नोंदणीकृत अडत्यांकडून शेतकऱ्यांची आर्थिक फसवणूक होत आहे. याबाबत चौकशी करून तत्काळ कार्यवाही करण्याची मागणी स्वाभिमानी शेतकरी संघटनेचे जिल्हाध्यक्ष हनुमंत राजेगोरे, प्रताप देशमुख, संदीपकुमार देशमुख यांनी जिल्हाधिकाऱ्यांकडे निवेदनाद्वारे केली आहे..नांदेड कृषी उत्पन्न बाजार समितीच्या नवा मोंढा बाजारात मोठ्या प्रमाणात सोयाबीन, हळद, तूर, मूग, उडीद आदी शेतीमालाची शेतकऱ्यांकडून विक्री होते. कृषी उत्पन्न बाजार समितीच्या अतर्गत अडत्यांकडून या खरेदी-विक्री व्यवहारात मोठी आर्थिक उलाढाल होते. मागील काही वर्षात नोंदणीकृत अडत्यांकडून शेतकऱ्यांच्या आर्थिक फसवणुकीचे प्रकार मोठ्या प्रमाणात वाढले आहेत..Farmer Fraud: बीटी बियाण्याच्या पुनर्प्रमाणीकरणाच्या नावाखाली शेतकऱ्यांची फसवणूक.शेतकरी जेंव्हा शेतीमाल मोंढ्यात आणतात त्या वेळी त्याची कच्ची नोंद घेतली जाते, त्यांना कुठलीही पोहोच दिली जात नाही. शेतीमालाचा लिलाव पुकारल्यानंतर शेतमाल काय दराने विक्री झाला याची नोंद पावती शेतकऱ्यांना दिली जात नाही. तसेच बीट झालेल्या मालाचे वजन केल्यानंतरही शेतकऱ्याला प्रत्यक्ष वजनाची नोंद असलेली कुठलीही पावती दिली जात नाही. परिणामी, अडत्यांकडून आर्थिक फसवणूक झाल्यास शेतकऱ्यांकडे रीतसर तक्रार देण्यासाठी कुठलाही पुरावा पावतीच्या स्वरूपात उपलब्ध नसतो..त्यामुळे दरवर्षी या प्रकारामुळे शेतकऱ्यांची मोठ्या प्रमाणावर आर्थिक फसवणूक होऊनही त्यांना कुठेही दाद मागता येत नाही. त्यामुळे नांदेड बाजार समितीत शेतमालाच्या कच्या व्यवहाराचे प्रकार थांबवून शेतकऱ्यांना आवक पावती, वजन पावती तातडीने उपलब्ध करून देण्याची व्यवस्था करण्यात यावी..Manmad APMC: मनमाड बाजार समितीचे संचालक कदम यांच्या अपात्रतेचा आदेश रद्द.तसेच आर्थिक फसवणूक झालेल्या शेतकऱ्यांना चौकशी करून हक्काची शेतमालाची रक्कम मिळवून द्यावी. सोबतच बाजार समितीत येणाऱ्या शेतकऱ्यांना थांबण्यासाठी शेतकरी निवास व इतर प्राथमिक सुविधा तातडीने उपलब्ध करून देण्यात यावी, असे निवेदनात म्हटले आहे..विषयाचे गांभीर्य लक्षात घेत जिल्हाधिकारी राहुल कर्डिले यांनी जिल्हा निबंधकांना (सहकारी संस्था) तातडीने यासंदर्भात पुढील महिन्यात संपूर्ण नांदेड जिल्ह्यातील कृषी उत्पन्न बाजार समितीच्या सचिवांची बैठक बोलावण्याची सूचना केल्याचे हनुमंत राजेगोरे यांनी सांगितले..शेतीमाल बाजार समिती अंतर्गत मोंढा बाजारातील नोंदणीकृत अडत्याकडे आल्यानंतर शेतकऱ्यांना लगेच पोच पावती देण्यासंदर्भात परिपत्रक आजच जारी केले आहे. याची अंमलबजावणी मंगळवारपासून होईल.एम. पी. बारसे, सचिव, कृषी उत्पन्न बाजार समिती, नांदेड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
