Solapur Farmers Agitation : मोडनिंब सीना-माढा उपसा सिंचन योजनेच्या मोडनिंब वितरिकेतून तातडीने पाणी सोडण्याच्या मागणीसाठी शेतकऱ्यांनी पुणे-सोलापूर राष्ट्रीय महामार्गावर रास्ता रोको आंदोलन केले. योजना सुरू होऊन जवळपास दोन महिने उलटले, तरी टेल भागातील शेतकऱ्यांना पाणी मिळालेले नाही. मोडनिंब वितरिकेवरील आठ क्रमांकाच्या लघुवितरिकेच्या लाभक्षेत्रातील अरण, मोडनिंब, तुळशी, जाधववाडी आणि बैरागवाडी येथील ग्रामस्थांनी महामार्ग रोखून धरला. सोमवारी (ता. १९) पाणी सोडण्याचे लेखी आश्वासन मिळाल्यानंतर आंदोलन मागे घेण्यात आले..खरीप पिके वाचविण्यासाठी मागील महिन्यात शेतकऱ्यांनी सीना-माढा उपसा सिंचन योजनेच्या मोडनिंब येथील कार्यालयासमोर जनावरांसह उपोषण केले होते. त्यावेळी प्रशासनाने १० ऑक्टोबरपर्यंत पाणी देण्याचे आश्वासन दिले होते. मात्र, त्याची पूर्तता न झाल्याने शेतकऱ्यांमध्ये नाराजी होती. पाण्याअभावी खरीप पिकांसह जनावरांच्या चाऱ्याचीही होरपळ झाली. त्यामुळे संतप्त शेतकऱ्यांनी सोमवारी राष्ट्रीय महामार्गावर रास्ता रोको केला..Fruit Crop Insurance Inquiry: फळ पीकविम्यात नियमबाह्य सहभाग घेतल्यास कारवाई; ३१ पर्यंत मुदत, करारनाम्यांची चौकशी.आंदोलनादरम्यान राष्ट्रवादीचे जिल्हा उपाध्यक्ष सौदागर जाधव, नागेश राऊत, अमोल गिड्डे, गणेश जाधव, जालिंदर गोडांवळे, अंकुश चोपडे, अंकुश गोडांवळे, मनोज शहा, प्रमोद वसेकर यांनी प्रशासनाला जाब विचारला. .Crop Loss Survey: पिकांच्या नुकसानीचे पंचनामे मुदतीत पूर्ण करा; विभागीय आयुक्त शीतल तेली-उगले यांचे निर्देश.यावेळी भीमा पाटबंधारे विभागाचे उपविभागीय अधिकारी मंजुनाथ तुंबळ यांनी सोमवारी (ता. १९) लघुवितरिकेत पाणी सोडून ते २१ दिवस सुरू ठेवण्याचे लेखी आश्वासन दिले. त्यानंतर आंदोलन मागे घेण्यात आले. .अनुचित प्रकार टाळण्यासाठी टेंभुर्णीचे पोलिस निरीक्षक बाळासाहेब भरणे यांनी मोठा पोलिस बंदोबस्त तैनात केला होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
