Maharashtra Kharif Season Update: मॉन्सूनचे अद्याप आगमन झाले नसल्याने खरिपाच्या पेरण्या जवळपास ठप्प झाल्या आहेत. गतवर्षी याच कालावधीत सुमारे २२ हजार १४१ हेक्टरवर म्हणजे जवळपास १५ टक्के पेरणी पूर्ण झाली होती. मात्र यंदा पावसाअभावी जिल्ह्यात पेरणी सुरू झालेली नाही. त्यामुळे शेतकरी आकाशाकडे डोळे लावून बसले असून, खरिपाची सुरुवातच खोळंबली आहे..गतवर्षी मे महिन्यातच दाखल झालेल्या मॉन्सूनमुळे शेतकऱ्यांना पेरण्या करण्यासाठी देखील वाफसा मिळत नव्हता. गेल्या वर्षी अतिपावसाचा पेरण्यांना अडथळा होता, तर या वर्षी पाऊसच नसल्याने पेरण्या रखडल्या आहेत. परिणामी खरीप हंगामातील भात, सोयाबीन, मका, बाजरी, मूग, उडीद, तूर, भुईमूग आणि नाचणी या प्रमुख पिकांचे क्षेत्र घटण्याची भीती व्यक्त करण्यात येत आहे..Paddy Sowing Delay: पाऊस लांबल्यामुळे भात पेरणी रखडली.जिल्ह्यातील खरीप हंगामासाठी यंदा सुमारे दोन लाख हेक्टर क्षेत्रावर पेरणी होण्याचा अंदाज कृषी विभागाने व्यक्त केला आहे. भाताचे सुमारे ६० हजार हेक्टर, सोयाबीनचे ४७ हजार हेक्टर, मक्याचे ४२ हजार हेक्टर आणि बाजरीचे ३८ हजार हेक्टर क्षेत्रावर पेरणी होण्याचा कृषी विभागाचा प्राथमिक अंदाज आहे..सध्या शेतकऱ्यांनी घाईघाईने पेरणी न करता पुरेशा पावसाची प्रतीक्षा करावी. किमान १०० मिलिमीटर पाऊस झाल्यानंतर जमिनीत आवश्यक ओलावा निर्माण होतो, असे जिल्हा अधीक्षक कृषी अधिकारी संजय काचोळे यांनी सांगितले..Bajra Sowing: बाजरीचे पेरणी क्षेत्र वाढण्याची शक्यता.मूग आणि उडीद पीक धोक्यातपावसाच्या उशिराचा सर्वाधिक परिणाम कमी कालावधीच्या मूग आणि उडीद या पिकांवर होण्याची शक्यता आहे. साधारणपणे जूनच्या पहिल्या पंधरवड्यात या पिकांच्या पेरण्या सुरू होतात. मात्र पाऊस लांबल्याने या पिकांचे क्षेत्र घटण्याची शक्यता निर्माण झाली आहे..दृष्टिक्षेपातपश्चिम भागातील भात उत्पादक पट्ट्यात शेतकऱ्यांनी प्राथमिक तयारीअनेक ठिकाणी धूळवाफेवर भात रोपवाटिकांसाठी बियाणे टाकलेपाऊस झाल्यानंतर रोपवाटिकांमधील रोपे लागवडीसाठी तयार होतील.भोर, राजगड, मुळशी, मावळ, आंबेगाव, जुन्नरमध्ये भात हंगामाची तयारी.खरिपातील संभाव्य पेरणी क्षेत्रपीक क्षेत्र (हेक्टरमध्ये)भात ६०,१२०सोयाबीन ४७,१६७मका ४१,९८०बाजरी ३८,२४०मूग १२,६५४भुईमूग ७,२५०उडीद १,८१२नाचणी १,६५२तूर १,६४२.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
