Nashik News : येवला तालुका प्रशासकीय संकुलातील तहसील कार्यालय आवारात स्वातंत्र्यादिन ध्वजवंदनाचा कार्यक्रम सुरू असतानाच तालुक्यातील पारेगाव येथील शेतकरी कुटुंबाने शेतातील शिव रस्ता खुला करावा या मागणीसाठी अंगावर डिझेल टाकत आत्मदहनाचा प्रयत्न केला. .अचानक झालेल्या या घटनेने प्रशासकीय संकुलात मोठी खळबळ उडाली तहसीलदार आबा महाजन यांनी या घटनेची तत्काळ दखल घेत अधिकाऱ्यांना शिवरस्ता खुला करण्याच्या सूचना दिल्या ऐन स्वातंत्र्य दिनाच्या दिवशी ही घटना आत्मदहन आंदोलन झाल्याने तालुक्यात हा विषय चर्चेचा झाला आहे..Farmer Issue: नियतीनेच तोडला थुट्टे कुटुंबाचा ‘भरवसा’.या प्रकरणी येवला शहर पोलिसांत गुन्हा दाखल करण्यात आला आहे. तर दुसरीकडे हा शिवरस्ता फक्त कागदोपत्री खुला करण्यात आल्याचा आरोप आंदोलनकर्त्यांनी केला आहे. तालुक्यातील पारेगाव येथील संजय पाठे, विजय पाठे आणि सुलभा पाठे या शेतकरी कुटुंबाने, शेतात जाण्यासाठी रस्ता नसल्याने शेती करावी कशी असा प्रश्न उपस्थित केला. .Farmer Issue: ...अन्यथा पाठीवर आसूडाचे फटके पडतील : तुपकर.अनेक वेळा प्रयत्न करून देखील मार्ग निघत नसल्याने शेवटी आत्मदहन करण्याचा निर्णय घेण्यात आल्याचे यावेळी शेतकरी कुटुंबाने सांगितले. दरम्यान, शहर पोलिस निरीक्षक अनिल भवारी आणि तालुका पोलिस निरीक्षक संदीप मंडलिक तातडीने हस्तक्षेप करत आत्मदहन करण्याचा प्रयत्न करणाऱ्या शेतकऱ्यांना ताब्यात घेतल्याने पुढील अनर्थ टळला. .हा शिवरस्ता खुला करण्यात आल्याचे येवला तहसीलदार आबा महाजन यांनी सांगितले तर सदर घटनेनंतर तहसीलदार महाजन यांनी तत्काळ संबंधित अधिकाऱ्यांना सूचना देत त्वरित शिवरस्ता खुला करण्याच्या सूचना दिल्या. येवला तालुक्याच्या इतिहासात प्रथमच स्वातंत्र्य दिना ध्वजवंदन प्रसंगी तहसील कार्यालय आवारात शेतकरी कुटुंबाने आत्मदहन करण्याचा प्रयत्न केल्याने हा चर्चेचा विषय ठरला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
