Nashik News : केंद्र सरकारच्या ग्राहक संरक्षण विभागाच्या किंमत स्थिरीकरण निधी खरेदी योजनेअंतर्गत शेतकऱ्यांनी ‘नाफेड’ व ‘एनसीसीएफ’कडे कांद्याची विक्री केली. त्यापैकी २५ टक्के शेतकऱ्यांचे १०० कोटींहून अधिक पैसे अद्यापही मिळालेले नाहीत. त्यामुळे शेतकऱ्यांनी यापूर्वी ‘नाफेड’वर धडक दिली. .तर शुक्रवार(ता.९) रोजी आता ‘एनसीसीएफ’कडे कांदा विक्री केलेल्या २०० हून अधिक शेतकऱ्यांनी नाशिक येथील ‘एनसीसीएफ’ कार्यालयावर धडक देऊन प्रशासनाला जाब विचारला. ‘‘आमचे पैसे कधी मिळणार?’’ असा थेट सवाल करत कार्यालयात ठिय्या दिला. यावेळी घोषणांनी परिसर दणाणून गेला होता..Pending Onion Payment: कांदा विक्री केलेल्या शेतकऱ्यांचे थकित पैसे संक्रांतीच्या आत द्या: छगन भुजबळ.खरेदी केलेल्या कांद्याचे पेमेंट ७२ तासांत थेट लाभार्थ्यांच्या बँक खात्यात जमा करण्याचे आश्वासन देण्यात आले होते. मात्र, प्रत्यक्षात ५ महिने उलटूनही हक्काचे पैसे न मिळाल्याने शेतकऱ्यांमध्ये संतापाची लाट आहे. सकाळी ११ वाजता शेतकरी ‘एनसीसीएफ’ कार्यालयावर आले. .Onion Pending Payments: कांदा खरेदीचे थकित पैसे तत्काळ द्या.यावेळी घोषणाबाजी करून परिसर दणाणून सोडला होता. अखेर परिस्थिती गंभीर बनत असतानाच व्यवस्थापकीय संचालकांशी बोलणे करून द्या अशी मागणी ’एनसीसीएफ’ नाशिक शाखेचे नवे व्यवस्थापक श्री. कामणी हर्षा यांच्याकडे केली. यावेळी शेतकऱ्यांची मागणी व्यवस्थापकीय संचालकांकडे कळवली. दरम्यान त्या बैठकीत होत्या..अखेर दुपारी २ वाजता व्हिडिओ कॉन्फरन्सिंगद्वारे व्यवस्थापकीय संचालिका ॲनी जोसेफ चंद्रा यांनी शेतकऱ्यांशी चर्चा केली. शेतकऱ्यांचा आक्रोश आणि परिस्थितीची गंभीरता लक्षात घेता त्यांनी ग्राहक व्यवहार विभागाच्या सचिव यांच्यासोबत बैठक घेऊन शेतकऱ्यांच्या पेमेंटबाबत अंतिम तोडगा काढण्यात येईल, असा शब्द दिला..‘एनसीसीएफ’च्या प्रशासनावर दबाव वाढलाहा केवळ आकडा नाही, तर आमच्या घामाचा पैसा आहे. कुटुंबाचा उदरनिर्वाह आणि पुढच्या पिकाचे भवितव्य या पैशांवर अवलंबून आहे. कुटुंब खर्च, मुलांचे शिक्षण, आरोग्य आणि पुढील हंगामासाठी तो महत्त्वाचा आहे. मात्र विक्री केलेल्या कांद्याचे पैसे मिळत नसल्याने शेतकऱ्यांमध्ये संतापाची लाट आहे. त्यामुळे ‘नाफेड’नंतर ‘एनसीसीएफ’च्या प्रशासनावर दबाव वाढत आहे. मात्र याबाबत बैठक होऊन काय निर्णय होणार? पैसे थेट शेतकऱ्यांच्या खात्यावर कधी मिळणार? याकडे लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
