Kolhapur News: कोतोली (ता. पन्हाळा) येथील आणि परिसरातील आळवे, मानेवाडी, माळवाडी, कोलोली, तेलवे, नणुंद्रे, घोटवडे, बोरगाव, निवडे आणि परिसरातील इतर गावांमधील शेतांमध्ये असणाऱ्या ऊस पिकास यावर्षी नोव्हेंबर महिन्यातच तुरे आल्याने परिसरातील ऊस उत्पादक शेतकरी चिंतेत आहेत. .वेळेआधी ऊसाला तुरे आल्याने ऊस उत्पादनात मोठ्या प्रमाणात घट होऊन आर्थिक नुकसान होण्याची शक्यता आहे. पूर्वी काही ठराविक जातीच्या उसालाच तुरे येत होते, मात्र आता सर्वच जातीच्या उसाला तुरे फुटले आहेत..Sugarcane Farming: सांगली जिल्ह्यात ३३ हजार हेक्टरवर ऊस लागवड.यावर्षी जवळ-जवळ सहा महिने झालेल्या पावसाने उसाची उंची वाढलेली नाही. बऱ्याच ठिकाणी ऊस पीक जोमाने आलेले नाही. पावसाने आणि वाऱ्यामुळे उसाला फुटवे आले आहेत. उत्पादनात घट होणार आहे. त्यातच यावर्षी गळीत हंगाम चालू होण्यास विलंब झाला असल्याने शेतकरी दुहेरी संकटात सापडला आहे. त्यामुळे शेतामध्ये जो आहे तो ऊस तातडीने तोडून गाळपासाठी कारखान्याला पाठवणे हाच पर्याय शेतकऱ्यांकडे राहिला आहे..Sugarcane Crushing Season: खानदेशात ७५ टक्के ऊस गाळपाच्या प्रतीक्षेत.उसाला तुरे फुटल्याने वजनात घट होण्याबरोबर रिकव्हरी कमी होते. तसेच उसाच्या वाढ्याचा जनावरांसाठी ओला चारा म्हणून वापर करता येत नाही. या सर्व कारणाने शेतकऱ्याला होणारा आर्थिक लाभ कमी होणार असून, ऊस पिकासाठी केलेला खर्च निघेल की नाही, या चिंतेत शेतकरी आहे..शेतकऱ्याला सर्वात अधिक आर्थिक स्थैर्य मिळवून देणारे पीक म्हणजे ऊस पीक आहे. यावर्षीच्या अधिक पावसाने ऊसाचे वजन घटणार असून, त्याचा परिणाम उत्पादनावर होणार आहे. त्यामुळे साखर कारखान्यांनी उसाची वेळेत तोडणी करून शेतकऱ्याला दिलासा द्यावा.दत्तात्रय चौगले, शेतकरी, माळवाडी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
