Nanded News: राज्यात पीकविमा योजनेत ट्रिगर कमी करून ५०० कोटींचा विमा हप्ता वाचविण्यासाठी शेतकऱ्यांचे पाच हजार कोटी रुपयांचे नुकसान केले आहे. राज्य सरकारने लाडकी बहीण योजनेत पैसे वळवून शेतकऱ्यांचे वाटोळे केले, असा घणाघात संयुक्त किसान मोर्चाचे नेते डॉ. अजित नवले यांनी नांदेड येथे केला. .जिल्ह्यातील अतिवृष्टीची पाहणी करण्यासाठी आणि वाहेगाव येथील आत्महत्याग्रस्त शेतकऱ्यांच्या कुटुंबीयांची भेट घेण्यासाठी आले असताना त्यांनी पत्रकारांशी संवाद साधला. डॉ. नवले म्हणाले, की जिल्ह्यात लाखो हेक्टरवरील जमिनी पुराने खरडून गेल्या आहेत. घरात, गोठ्यात पाणी शिरले आहे. त्यामुळे शेतीपिके मातीमोल झाली..Ajit Navle: नौटंकी थांबवा, शेतकऱ्यांना तातडीने मदत करा: डॉ. अजित नवले.यामुळे शेतकरी पुरता खचला आहे. शासनाकडून जिल्ह्यातील अतिवृष्टीग्रस्तांना ‘एनडीआरएफ’च्या निकषानुसार मदत देण्यात येत असल्याचा ढोल पिटवत एका गुंठ्याला ८५ रुपयांची मदत जाहीर केली. पण, यामध्ये राईसप्लेटही येत नसल्याचा आरोप त्यांनी केला. नांदेड जिल्ह्यात अतिवृष्टी आणि पुरामुळे शेतकरी देशोधडीला लागला असताना राज्यातील मुख्यमंत्री, उपमुख्यमंत्री व स्थानिक आमदार, खासदार, अधिकारी शेतकऱ्यांच्या बांधावर पोहोचले नाहीत..Farmers Protest: आश्वासन पाळा, अन्यथा मंत्र्यांना अडवू.सरकारकडून जातीजातीचे नवे नेते उभे करून त्यांच्यात भांडण लावण्याचे षडयंत्र केले जात असल्याने त्यांना गरीब शेतकऱ्यांकडे जायची गरज नाही, असा आरोपही नवले यांनी केला. मुख्यमंत्री शेतकऱ्यांना आधी मदत करून नंतर सर्व्हे करत असल्याचे म्हणत आहेत. पण अजून आपद्ग्रस्तांना मदत मिळाली नाही. राज्याचे प्रमुखच खोटे बोलत असतील तर शेतकऱ्यांनी कुणाकडे मदत मागायची? असा सवालही त्यांनी सरकारला उपस्थित केला..आत्महत्याग्रस्त कुटुंबीयांचे सांत्वन करायला वेळ नाहीसरकारकडे शक्तिपीठ महामार्गाचा सर्व्हे करायला वेळ आहे. पण अधिकारी, कर्मचाऱ्यांना नांदेड जिल्ह्यातील वाहेगाव येथील आत्महत्याग्रस्त पंडित सोनटक्के या शेतकरी कुटुंबीयांचे सांत्वन करायला वेळ नाही. जिल्ह्यात जानेवारी ते आजपर्यंत १०५ शेतकऱ्यांनी मृत्यूला कवटाळले आहे. राज्य व देशाचे नेतृत्व केलेल्या नांदेड जिल्ह्यातील लोकप्रतिनिधींनी वाहेगाव येथील सोनटक्के कुटुंबाला साधा मदतीचा शब्द द्यायला पुढाकार घेतला नाही, असा टोलाही डॉ. नवले यांनी लगावला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
