Mangalvedha News: सध्या महावितरणकडून मंगळवेढ्याच्या ग्रामीण भागात काही गावांतील शेतकऱ्यांना दिवसा तर काही शेतकऱ्यांना भारनियमनाच्या वेळापत्रकाप्रमाणे रात्रीची वीज मिळत आहे. तालुक्यात मुबलक प्रमाणात वीज उपलब्ध असताना, वीजपुरवठा करताना महावितरणकडून दुजाभाव होत असल्याबद्दल शेतकरी वर्गातून संताप व्यक्त केला जात आहे..तालुक्यामध्ये महावितरणकडून शेतीपंपाला पुरेशा दाबाने वीज मिळावी, अशी गेल्या काही दिवसांपासून मागणी होती. मात्र, भाळवणी परिसरात झालेल्या १३२ के.व्ही. उपकेंद्रामुळे तालुक्यातील विजेचा प्रश्न बऱ्याच अंशी मार्गी लागला आहे..Power Supply Issues: विजेच्या कमी दाबामुळे पेड परिसरात शेतकरी त्रस्त.त्याचबरोबर तालुक्याच्या दक्षिण भागातील माळरानावर सौरऊर्जा निर्मिती करणाऱ्या कंपन्यांनी मोठ्या प्रमाणात जमीन संपादित करून सौरऊर्जा निर्मिती केल्यामुळे तालुक्यामध्ये सध्या शेतीपंपाला आवश्यक असलेल्या विजेची निर्मिती होऊ लागली आहे. शिवाय खासगी कारखान्यांचा गाळप हंगाम सुरू असल्यामुळे त्यांच्या सहवीज प्रकल्पातूनही वीजनिर्मिती होत आहे..Power Supply Issue : कृषिपंपांचा वीजपुरवठा विस्कळीत.अशी मुबलक प्रमाणात वीज उपलब्ध असताना शेतीपंपाला दिवसाही पुरेशा दाबाने वीजपुरवठा होणे आवश्यक आहे. तालुक्यात मुख्यमंत्री सौर कृषी योजनेअंतर्गत वीज देण्याची घोषणा शासनाकडून करण्यात आली; मात्र सध्या मंगळवेढा शहर व परिसरातील शेतकऱ्यांना दिवसा वीज मिळत आहे तर बाकीच्या ग्रामीण भागातील शेतकऱ्यांना रात्रीची वीज महावितरणने निश्चित केलेल्या चक्राकार भारनियमनाप्रमाणे दिली जात आहे..सध्या तालुक्यात विजेच्या इन्फ्रास्ट्रक्चरची कामे वेगात सुरू असून, लवकरच तालुक्यातील सर्व शेतकऱ्यांना दिवसा वीजपुरवठा करण्याच्या दृष्टीने आमचे प्रयत्न सुरू आहेत. जेथे रात्री वीजपुरवठा होत आहे, तेथील शेतकऱ्यांना देखील दिवसा वीज दिली जाईल.- संजय मरळी, उपकार्यकारी अभियंता, महावितरण.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
