Irrigation Subsidy: शासनाने प्रदीर्घ प्रतीक्षेनंतर पुन्हा सुरू केलेल्या शेतकरी हिताच्या विविध कृषी योजनांचे अनुदान रखडल्याने आटपाडी तालुक्यातील शेतकरी आर्थिक अडचणीत सापडले आहेत. फळबाग लागवड, कृषी यांत्रिकीकरण, सूक्ष्म सिंचन तसेच महात्मा गांधी रोजगार हमी योजनेअंतर्गत तालुक्यातील तब्बल ४७८ शेतकऱ्यांचे सुमारे ३ कोटी ६० लाख रुपयांचे अनुदान प्रलंबित असल्याने शेतकऱ्यांचे शेती नियोजन विस्कळीत झाले आहे..राज्य शासनाने काही वर्षांपूर्वी पांडुरंग फुंडकर फळबाग लागवड योजना, प्रधानमंत्री कृषी सिंचन योजना आणि कृषी यांत्रिकीकरण योजना बंद ठेवल्या होत्या. त्यानंतर गतवर्षों या योजना पुन्हा सुरू केल्या. शेतकऱ्यांनी ऑनलाईन अर्ज करून मंजुरी घेत विविध कामे पूर्ण केली. मात्र, कामे पूर्ण होऊनही अनुदान मिळत नसल्याने शेतकऱ्यांमध्ये नाराजी व्यक्त होत आहे..Maize Procurement Delay: मका खरेदी केंद्रांच्या विलंबाने शेतकरी अडचणीत.पांडुरंग फुंडकर फळबाग लागवड योजनेंतर्गत २०२५-२६ या आर्थिक वर्षात १०८ शेतकऱ्यांनी ९२ हेक्टर क्षेत्रावर डाळिंब, आंवा, चिकू आणि ड्रॅगन फ्रुट लागवड केली. त्यांचे सुमारे ७७ लाख ५० हजार रुपयांचे अनुदान रखडले आहे..राज्य कृषी यांत्रिकीकरण आणि उपअभियान योजनेंतर्गत ११८ शेतकऱ्यांनी ट्रॅक्टर, रोटाव्हेटर, ब्लोअर, फवारणी पंप आणि नांगर खरेदीसाठी लाखो रुपये खर्च केले आहेत. या योजनेतर्गत सुमारे १ कोटी ५१ लाख रुपयांचे अनुदान मिळणे बाकी आहे. अनेक शेतकऱ्यांनी पाच ते सात लाख रूपये खर्च करून ट्रॅक्टर खरेदी केले असले तरी प्रति ट्रॅक्टर मिळणारे एक ते दीड लाख रुपयांचे अनुदान अद्याप मिळालेले नाही. प्रधानमंत्री कृषी सिंचन योजनेंतर्गत तालुक्यातील २५९ शेतकऱ्यांचे ठिबक सिंचनाचे सुमारे १ कोटी ९ लाख रुपये अनुदान थकीत आहे. तसेच महात्मा गांधी रोजगार हमी योजनेतर्गत फळबाग लागवडीसाठी १२० शेतकऱ्यांचे २३ लाखांचे अनुदान, मजुरीही प्रलंबित आहे..Farmer Subsidy Delay: मंजुरीतील विलंबामुळे अनुदानात अडचणी.लोकप्रतिनिधींनी पाठपुरावा करावाशेतकऱ्यांना योजनाचे अनुदान मिळण्यासाठी तालुक्यासह जिल्ह्यातील लोकप्रतिनिधींनी कृषी मंत्री, तसेच राज्य सरकारकडे पाठपुरावा करण्याची गरज आहे.रखडलेल्या अनुदानाची आकडेवारीराज्य कृषी यांत्रिकीकरण व उपअभियान योजनाशेतकरी संख्या ११८प्रलंबित रक्कम १ कोटी ५१ लाख रुपयेप्रधानमंत्री कृषी सिंचन योजना (ठिबक)शेतकरी संख्या २५९.प्रलंबित रक्कम १ कोटी ९ लाख रुपयेमहात्मा गांधी रोजगार हमी योजना (२०२१ ते २०२६)शेतकरी संख्या १२०प्रलंबित रक्कम २३ लाख रुपयेपांडुरंग फुंडकर फळबाग लागवड योजना (२०२५-२६)शेतकरी संख्या १०८प्रलंबित रक्कम ७७ लाख ४९ हजार रुपयेपांडुरंग फुंडकर फळबाग लागवड योजना (२०२४-२५)शेतकरी संख्या ५०प्रलंबित रक्कम ५८ हजार रुपये.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
