Maharashtra Farmers Scheme: शेतजमिनीचे सपाटीकरण तसेच शेतीच्या उपयोगासाठी लागणारी माती आणि मुरूम यासाठी आता शेतकऱ्यांकडून कोणतीही रॉयल्टी घेतली जाणार नाही. यासाठी कुठल्याही शेतकऱ्याचा ट्रॅक्टर पकडायचा नाही. तसे आदेश तहसीलदार, तलाठी आणि पोलिसांना दिलेले आहेत, अशी माहिती महसूलमंत्री चंद्रशेखर बावनकुळे यांनी दिली..माती आणि मुरूम यासाठी आता शेतकऱ्यांना कोणतीही रॉयल्टी भरावी लागणार नाही. या कामासाठी शेतकऱ्यांच्या ट्रॅक्टरवर तलाठी, तहसीलदार अथवा पोलिसांकडून कारवाई केली जाणार नाही, असे त्यांनी स्पष्ट केले. ते आज नागपुरात पत्रकारांशी बोलते होते..Thalapathy Vijay Government: 'थलपती विजय' सरकारच्या कृषी अर्थसंकल्पात शेतकऱ्यांना मोठा दिलासा, टोमॅटो, कांद्यासाठी 'किंमत आधार योजना' जाहीर.महाराष्ट्रातील सर्व शेतकऱ्यांसाठी महसूल खात्याने घेतलेला हा अत्यंत चांगला निर्णय आहे. पडीक जमीन शेती उपयोगी करायची असेल. त्यात पीक घ्यायचे असेल तर त्याचे सपाटीकरण करावे लागते. त्यासाठी माती लागते. माती आणली की महसूल अधिकारी रॉयल्टी घेतात. गुन्हे दाखल करतात. आता कुठल्याही शेतकऱ्याचा ट्रॅक्टर पकडायचा नाही. शेतकऱ्याला लागणाऱ्या मातीची रॉयल्टी घ्यायची नाही. शेतकऱ्याचे शेतघर असेल तरीही त्यासाठी रॉयल्टी घ्यायची नाही, असे बावनकुळे यांनी सांगितले..Soil Transport : महसूलमंत्र्यांची मोठी घोषणा; शेतीसाठी माती नेणाऱ्या शेतकऱ्यांवर कारवाई होणार नाही.शेतजमिनीसाठी लागणाऱ्या साहित्याचा वापर करताना शेतकऱ्याची अडवणूक करायची नाही. तसे आदेश तहसीलदार, तलाठी आणि पोलिसांना दिलेले आहेत. शेतकऱ्यांना शेतीमध्ये मजबूत करायचे आहे. शेतकऱ्याच्या पाठीशी सरकार पाठीशी खंबीरपणे उभे आहे, असे त्यांनी नमूद केले..गेल्या वर्षी अतिवृष्टी आणि पुरामुळे जमिनी खरडून गेल्या होत्या. या खरडून शेतजमिनी पुन्हा पूर्वस्थितीत आणण्यासाठी माती, गाळ, मुरूम शेतकऱ्यांना मोफत देण्याचा महत्वपूर्ण निर्णय महसूल विभागाने याआधी घेतला होता. या अंतर्गत अतिवृष्टी बाधित शेतकऱ्यांना घर तसेच जनावरांचा गोठा, शेत आणि विहिरीसाठी ५ ब्रास गौण खनिजांवर रॉयल्टी माफ करण्यात आली होती. .तसेच बळीराजा शेतपाणंद रस्ते योजनेंतर्गत रस्त्याच्या मजबुतीकरणासाठी लागणारी गाळ, माती, मुरूम, दगड यासाठी रॉयल्टी आकारले जाणार नसल्याचे सरकारकडून सांगण्यात आले होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
