New Agriculture Law for Farmer Welfare: देशातील शेतकऱ्यांना कायदेशीर संरक्षण मिळावे आणि शेती व्यवसायातील विविध जोखमींना सामोरे जाणाऱ्या शेतकऱ्यांसाठी स्वतंत्र संरक्षणात्मक कायदा अस्तित्वात यावा, या उद्देशाने राज्यस्तरीय समितीने तयार केलेला ‘शेतकरी संरक्षण कायदा-२०२६’चा संदर्भीय मसुदा ज्येष्ठ समाजसेवक अण्णा हजारे यांच्याकडे नुकताच सुपूर्द करण्यात आला..हजारे यांच्या मार्गदर्शनाखाली शेतकरी संरक्षण कायद्याचा मसुदा तयार करण्यासाठी राज्यस्तरीय समिती कार्यरत होती. समितीचे अध्यक्ष तथा ज्येष्ठ कृषी शास्त्रज्ञ डॉ. मुकुंदराव गायकवाड, शेतकरी संघटनेचे प्रदेश उपाध्यक्ष ॲड. अजित काळे, भारतीय जनसंसदचे प्रदेशाध्यक्ष अशोक सब्बन, माजी कुलगुरू डॉ. अशोक ढगे यांनी देश-विदेशातील कायद्यांचा अभ्यास करून हा मसुदा तयार केला. सब्बन यांनी हा मसुदा पंतप्रधान, नीती आयोग, केंद्रीय कृषिमंत्री, मुख्यमंत्री, राज्य कृषिमंत्री, कृषी मूल्य आयोगाकडे सादर करण्यात यावा, अशी विनंती हजारे यांच्याकडे केली..Farmer Children Support: आत्महत्याग्रस्त शेतकरी कुटुंबातील मुलांसाठी पहिले मुक्त विद्यालय सुरू.डॉ. ढगे म्हणाले, की देशात ग्राहक, पत्रकार तसेच डॉक्टर, रुग्णालय संरक्षणासंबंधी कायदे अस्तित्वात आहेत. वन्यजीवांसाठीही स्वतंत्र संरक्षणाची तरतूद आहे. मात्र, शेतकऱ्यांसाठी स्वतंत्र संरक्षणात्मक कायदा नाही..ॲड. काळे यांनी ‘शेतकरी संरक्षण कायदा-२०२६’साठी विविध कलमे तयार केली आहे. अतिवृष्टी, ढगफुटी, दुष्काळ, वन्यप्राण्यांचा उपद्रव, बिबट्याचे हल्ले, सर्पदंश यांसारख्या संकटांपासून शेतकऱ्यांना संरक्षण देण्याबाबत तरतुदी सुचविण्यात आल्या आहेत..Farmer Support Scheme: २१ जिल्ह्यांच्या ७,२०१ गावांतील शेतकऱ्यांसाठी २५ कोटी ५९ लाखांचा निधी.डॉ. गायकवाड यांनी विविध देशांतील शेतकरी संरक्षणविषयक कायद्यांचा अभ्यास करून ५०० पानांचा संदर्भीय अहवाल तयार केला. त्यानंतर भारतीय परिस्थितीशी सुसंगत बाबींचा समावेश असलेला ४० पानांचा संक्षिप्त मसुदा तयार करण्यात आला. या वेळी कार्लस साठे, नितीन भालेराव यांच्यासह शेतकरी उपस्थित होते..शेतकरी हितासाठी महत्त्वाचा प्रस्तावशेती व्यवसायातील वाढती अनिश्चितता, नैसर्गिक आपत्ती, वन्यप्राण्यांचा उपद्रव आणि आर्थिक असुरक्षितता लक्षात घेता शेतकऱ्यांसाठी स्वतंत्र संरक्षणात्मक कायद्याची मागणी अनेक वर्षांपासून होत आहे. राज्यस्तरीय समितीने तयार केलेला हा मसुदा शासनाच्या विचाराधीन असून पुढील निर्णयाकडे शेतकरी वर्गाचे लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
