Kolhapur News: ऊसदर प्रश्नी शेतकरी संघटनांना प्रशासनाने चर्चेस न बोलावल्याने संघटना संतापल्या आहेत. आता कारखान्यांबरोबर प्रशासनाविरोधातही आंदोलनाची धार वाढत आहे. सध्या जिल्ह्यात करवीर, हातकणंगले, शिरोळ या तालुक्यांत आंदोलनामुळे ऊस तोडणी व वाहतूक बंद आहे. .शनिवारी (ता. १) पाऊस झाल्यामुळे रविवारी (ता. २) ऊस तोडणी होऊ शकली नाही. यामुळे एखाद दुसरा अपवाद वगळता रविवारी आंदोलन झाले नाही. शिरोळ तालुक्यात शनिवारी रात्री दत्त कारखान्याची ऊस भरलेली वाहने पेटविण्याचा प्रयत्न झाला..Sugarcane Price Dispute: अन्यथा मुख्यमंत्र्यांचे स्वागत ‘स्वाभिमानी’ स्टाईलने.जिल्ह्यात ‘स्वाभिमानी’सह आंदोलन अंकुश, जयशिवराय आदी संघटनांनी स्वतंत्रपणे आंदोलन सुरू केले. यामुळे प्रत्येक संघटनेच्या कार्यक्षेत्रात ठराविक कारखान्यांच्या विरोधात आंदोलन सुरू आहे. काही कारखान्यांनी संघर्ष टाळण्यासाठी तोडण्या वेगाने सुरू केल्या नाहीत. ज्या कारखान्यांनी एक तारखेला गाळप सुरू केले त्यांनी दोन दिवस आधीपासून तोडणी सुरू केली होती. तोडणी केलेला ऊस अजूनही शिवारात आहे..अनेक शिवारांमध्ये ऊस भरलेली वाहने ऊभी आहेत. पण संघटनांच्या भीतीने ती कारखान्यांकडे येत नसल्याचे चित्र पूर्व भागात होते. अनेक कारखान्यांनी आंदोलकांवर गुन्हे दाखल करण्याबाबत हालचाली सुरू केल्या होत्या पण आंदोलकांच्या अटकेमुळे पुन्हा वातावरण चिघळेल या भीतीने गुन्हे दाखल करण्यास कारखनदार धजावत नाहीत. पावसामुळे आंदोलन मागे घेतले तरी तत्काळ वेगात तोडणी शक्य नसल्याने कारखान्यांनी ‘वेट ॲँड वॅाच’ची भूमिका घेतली आहे..Sugarcane Price: सांगलीत कारखानदारांंचे ऊसदराबाबत मौन.बैठकीबाबत अधिकृत सूचना नाहीमुख्यमंत्री देवेंद्र फडणवीस हे दोन दिवसांत कोल्हापूर जिल्हा दौऱ्यावर येत आहेत. या दौऱ्यात हिंसक कारवायांचा इशारा शेतकरी संघटनांनी दिला आहे. या पार्श्वभूमीवर प्रशासन जागे झाले आहे. कारखाना व संघटना प्रतिनिधी बैठकीबाबत हालचाली सुरू होत्या. रविवारी दुपारपर्यंत बैठकीबाबत अधिकृत सूचना मिळाल्या नव्हत्या..कोंडी फोडण्याबाबत चर्चा नाहीचबैठक घ्या, आम्ही तडजोडीस तयार आहोत, अशी भूमिका संघटनांची आहे. प्रशासनाने ही बाब गांभिर्याने घेतली नसल्याने सर्व खापर प्रशासनावर फुटत आहे. यामुळे कोंडी फोडण्याबाबत कोणत्याही पातळीवर चर्चा झाली नाही. दररोजच्या पावसामुळे कारखानदारही नव्याने उस तोडणी देत नसल्याचे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
