Farmer Debt Relief: कर्जमाफीच्या यादीतील रक्कम आणि प्रत्यक्ष कर्जखात्यातील रकमेत तफावत असल्याने शेतकऱ्यांमध्ये असंतोष निर्माण झाला आहे. तफावतीची रक्कम ‘हेअरकट’मधून भरल्यास सिबिल खराब होण्याचा धोका असल्याचा आरोप शेतकरी करीत आहे. याबाबत क्रांतिकारी शेतकरी संघटनेच्या पदाधिकाऱ्यांनी शेतकऱ्यांचे सेल्सुरीतील स्टेट बँक व्यवस्थापकांना विचारणा सुद्धा केली..राज्य शासनाने दोन लाख रुपयांपर्यंतचे शेतकरी कर्ज माफ करण्याची घोषणा केली असून, त्यानुसार कर्जमाफीच्या याद्याही प्रसिद्ध करण्यात आल्या आहेत. मात्र बँकेतील कर्जाची मुद्दल रक्कम, कर्जमाफीच्या यादीतील रक्कम आणि केवायसीनंतर दिसणारी रक्कम यामध्ये मोठी तफावत आढळत असल्याचा दावा शेतकऱ्यांनी केला आहे..Loan Waive Amount: बँकेच्या कर्जापेक्षा कर्जमाफीची रक्कम कमी.या पार्श्वभूमीवर क्रांतिकारी शेतकरी संघटनेचे विनायक सरनाईक, नितीन राजपूत, संतोष शेळके, अरुण नेमाने यांच्यासह शेकडो शेतकऱ्यांनी शेलसुर येथील स्टेट बँक शाखेत जाऊन व्यवस्थापकांना विचारणा केली..कर्जाची मुद्दल, कर्जमाफीची रक्कम आणि केवायसीनंतरची रक्कम यातील तफावतीची सविस्तर यादी प्रसिद्ध करावी, अशी मागणी करण्यात आली. दोन लाख रुपयांच्या आतील कर्ज असलेल्या शेतकऱ्यांचा सिबिल स्कोअर खराब होणार नाही, याची बँक प्रशासनाने लेखी हमी द्यावी, अशीही मागणी करण्यात आली..Loan Waiver Scheme: कर्जमुक्ती योजनेअंतर्गत १६ हजारांहून अधिक शेतकऱ्यांचे आधार प्रमाणीकरण.शासनाने जाहीर केलेली ‘हेअरकट’ची रक्कम ओ टी एसच्या माध्यमातून न भरता ती सरसकट शेतकऱ्यांच्या खात्यात जमा करावी. केवायसी पूर्ण केलेल्या शेतकऱ्यांच्या खात्यावर कर्जमाफीची रक्कम वर्ग करून त्यांना नव्याने पीक कर्ज उपलब्ध करून द्यावे, अशी मागणीही करण्यात आली..शेतकऱ्यांच्या मागण्यांची पूर्तता न झाल्यास तीव्र आंदोलन छेडण्याचा इशारा संघटनेने दिला. यावेळी रविंद्र काळे, सतीश घाडगे, अंकुश घाडगे, नितीन चव्हाण, शिवशंकर घाडगे, पवन भाकरे, नेताजी कापसे, शिवाजी घाडगे, लक्ष्मण रींढे, हरिदास नेमाने, कैलास घाडगे यांच्यासह शेतकरी उपस्थित होते..भविष्यातील कर्जाची जबाबदारी शासनाने घ्यावीतफावतीची रक्कम बँकांनी ‘हेअरकट’च्या माध्यमातून भरल्यास संबंधित शेतकरी ओटीएसमध्ये जाऊ शकतो आणि त्याचा सिबिल स्कोअर खराब होण्याची शक्यता आहे. त्यामुळे भविष्यात पीक कर्जासह शैक्षणिक, गृह आणि इतर कर्ज मिळविताना अडचणी निर्माण होऊ शकतात. या भविष्यातील अडचणींची जबाबदारी शासनाने घ्यावी आणि संबंधित बँकांना स्पष्ट आदेश द्यावेत, अशी मागणी सरनाईक यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
