Farmer Issues: युरिया खत खरेदी करताना सातबारा उतारा सादर करण्याची अट तसेच फार्मर आयडीची सक्ती यामुळे शेतकऱ्यांवर अतिरिक्त प्रशासकीय बोजा पडत आहे. शेतकऱ्यांनी शेती करायची की विविध अटींची पूर्तता करीत राहायचे, असा सवाल उपस्थित करत कृषी विभागाने शेतकऱ्यांना वेठीस धरू नये, अशी मागणी सावंतवाडी तालुका खरेदी-विक्री संघाच्या सभेत करण्यात आली..संघाचे अध्यक्ष प्रमोद गावडे यांच्या अध्यक्षतेखाली झालेल्या सभेला उपाध्यक्ष राजन रेडकर, माजी सभापती प्रमोद सावंत, संचालक विनायक राऊळ, शशिकांत गावडे, प्रवीण देसाई, दत्ताराम हरमलकर, रश्मी निर्गुण, अभिमन्यू लोंढे तसेच व्यवस्थापक महेश परब उपस्थित होते..FIA Fertilizer Demand: लिकिंगबाबत ‘एफआयए’च्या मागणीला ‘माफदा’चा विरोध .सभेत खरीप हंगामाच्या पूर्वतयारीचा आढावा घेण्यात आला. अतिवृष्टी, बदलते हवामान आणि वन्यप्राण्यांच्या वाढत्या उपद्रवामुळे शेतकरी आधीच अडचणीत असल्याचे मत व्यक्त करण्यात आले. त्यातच खतांच्या किमतीत वाढ झाल्याने उत्पादन खर्च वाढत असल्याची चिंता संचालकांनी व्यक्त केली..Fertilizer Rationing Plan: खतटंचाईमुळे राज्यात रेशनिंगचा विचार: कृषिमंत्री भरणे.सभेत मांडण्यात आलेल्या माहितीनुसार, ५० किलोच्या खताच्या पोत्यामागे सुमारे ३०० ते ५०० रुपयांपर्यंत वाढ झाली आहे. अशा परिस्थितीत युरिया खरेदीसाठी सातबारा उतारा सादर करण्याची अट आणि फार्मर आयडीची सक्ती शेतकऱ्यांसाठी अडचणीची ठरत असल्याचे सांगण्यात आले..अध्यक्ष प्रमोद गावडे यांनी भात बियाणे आणि खतांचे नमुने कंपन्यांकडून घेण्याची जबाबदारी खरेदी-विक्री संघांवर टाकू नये, अशी मागणीही केली. कृषी विभागाने शेतकऱ्यांवरील आणि सहकारी संस्थांवरील अतिरिक्त प्रशासकीय अटींचा फेरविचार करावा, अशी मागणी सभेत करण्यात आली..महत्त्वाचे मुद्देखतांच्या वाढलेल्या किमतीमुळे शेतकऱ्यांवरील आर्थिक ताण वाढल्याचा दावा.कृषी विभागाने शेतकऱ्यांना वेठीस धरणाऱ्या अटी मागे घ्याव्यात, अशी मागणी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
