Maharashtra Government Farmer ID Policy: मुख्यमंत्री बळीराजा शेत, पांदण रस्ते योजना तसेच पंचायत समिती व जिल्हा परिषदेमार्फत सुरू असलेल्या विकासकामांच्या गुणवत्तेबाबत रामटेक येथे आढावा बैठक घेण्यात आली. बैठकीत राज्यमंत्री ॲड. आशीष जयस्वाल यांनी अतिक्रमण करणाऱ्या शेतकऱ्यांविरोधात कठोर भूमिका घेत संबंधित अधिकाऱ्यांना स्पष्ट निर्देश दिले..“कोणत्याही शेतकऱ्याने अतिक्रमण करू नये. अतिक्रमण करणाऱ्यांचा ‘फार्मर आयडी’ ब्लॉक करण्यात यावा. तसेच त्यांना बोनस, पीक विमा, वीज बिलावरील अनुदान, अतिवृष्टी अथवा दुष्काळातील मदत आणि एनडीआरएफची मदत देऊ नये,” असे निर्देश जयस्वाल यांनी दिले..Farmer ID Registration: अमरावतीत ९५ हजार शेतकऱ्यांचा फार्मर आयडीला खो.बैठकीला उपविभागीय अधिकारी पियुष महाजन, गटविकास अधिकारी जयसिंग जाधव, पारशिवनीचे गटविकास अधिकारी रूपम जाधव यांच्यासह पंचायत समिती व जिल्हा परिषदेचे शाखा अभियंते उपस्थित होते..जयस्वाल म्हणाले, पूर्वी पीडब्ल्यूडीच्या निकषानुसार एका किलोमीटर रस्त्यासाठी सुमारे ३५ लाख रुपयांचा खर्च अपेक्षित होता. मात्र, सुलभ पद्धतीचा अवलंब करून एकाच यंत्रणेला तब्बल २५ किलोमीटर रस्त्यांचे काम देण्यात येत आहे. संबंधित यंत्रणेकडे जेसीबी, रोलर, व्हायब्रेटर रोलर, टिपर, पोकलेन यांसारखी यंत्रसामग्री उपलब्ध असल्याने काम अधिक वेगाने आणि कमी खर्चात होत असल्याचे त्यांनी सांगितले..Farmer ID: वनपट्टाधारक शेतकऱ्यांसाठी ‘फार्मर आयडी’ बंधनकारक.या पद्धतीमुळे शासनाचा निधी वाचत असून केवळ ६ ते ८ लाख रुपये प्रति किलोमीटर खर्चात दर्जेदार रस्त्यांची निर्मिती होत असल्याचा दावा त्यांनी केला. रस्त्यांच्या दोन्ही बाजूंना योग्य स्लोप, पाण्याचा निचरा आणि कॉलर पाइपची व्यवस्था करण्यावर भर देण्यात येत असल्याचेही त्यांनी स्पष्ट केले..मागील अर्थसंकल्पात ‘रामटेक पॅटर्न’ राज्यभर राबविण्याची घोषणा करण्यात आली होती. महसूलमंत्री चंद्रशेखर बावनकुळे यांनी या योजनेचे पालकत्व स्वीकारल्याचेही जयस्वाल यांनी नमूद केले. बैठकीला जि. प. बांधकाम उपविभाग रामटेकचे कनिष्ठ अभियंता लोकेश बनकर, पारशिवनीचे कनिष्ठ अभियंता रोहित चरपे, शाखा अभियंता एस. एम. मडावी, कनिष्ठ अभियंता मनोहर जाधव, संजय सावरकर, रंजित भगत, रंजन धनविजय, एन. एस. रामटेके, विनोद भोगे आदी अधिकारी व कर्मचारी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
