Yavatmal News : हुमणीने संपूर्ण दहा एकरांतील पीक कवेत घेतल्याने वैतागलेल्या शेतकऱ्याने संपूर्ण पिकावरच ट्रॅक्टर फिरविल्याचा प्रकार समोर आला आहे. नितीन महल्ले असे या शेतकऱ्याचे नाव असून, ते लोही (ता. दारव्हा) येथील रहिवासी आहेत..नितीन महल्ले यांनी दिलेल्या माहितीनुसार, त्यांनी दहा एकरांवर सोयाबीनची लागवड केली आहे. यातील काही क्षेत्रात सुरुवातीला हुमणी अळीचा प्रादुर्भाव दिसून आला होता. निरीक्षणाअंती ही बाब लक्षात येताच याच्या नियंत्रणासाठी जैविक व रासायनिक उपचारांवर भर देण्यात आला. परंतु ही अळी नियंत्रणात न येता प्रादुर्भाव वाढताच राहिला. .Soybean Pest Control : सोयाबीन पिकावरील चक्रीभुंग्यांचे व्यवस्थापन.यातूनच नैराश्य आल्याने अखेरीस पीक काढण्याचा निर्णय घेतला. गुरुवारी (ता.१४) दहा एकरांतील पिकावर अखेर ट्रॅक्टर फिरवीत पीक काढून टाकण्यात आले. दारव्हा तालुक्यात बहुतांश शेतकरी खरिपात सोयाबीनची लागवड करतात. .यातील मोठ्या क्षेत्रावर हुमणीचा प्रादुर्भाव झाला आहे. परिणामी, शेतकऱ्यांचे आर्थिक गणित कोलमडले आहे. हुमणी अळीच्या प्रादुर्भावामुळे उत्पादकतेत ५० टक्क्यांहून अधिक घट होण्याची भीती शेतकऱ्यांमध्ये आहे..Soybean Pest Control: सोयाबीनवर हुमणी आणि पाने खाणाऱ्या अळीचा हल्ला! शेतकऱ्यांसाठी मार्गदर्शक उपाय.विशेष म्हणजे शेतकऱ्यांनी हुमणीचा प्रादुर्भाव दिसून येताच अळीच्या नियंत्रणासाठी उपायांवर भर दिला होता. त्यानंतर देखील अळीचे नियंत्रण शक्य झाले नाही. कृषी विभागाकडे देखील या संदर्भाने तक्रारी करण्यात आल्या. परंतु केव्हीकेसह कृषी विभागाकडून देखील अपेक्षित मार्गदर्शन मिळाले नाही, असाही आरोप आहे.\.शेतकऱ्यांना मिळावी भरपाईहुमणीच्या वाढत्या प्रादुर्भावामुळे नितीन महल्ले यांनी त्यांच्या दहा एकरांवरील सोयाबीनवर ट्रॅक्टर फिरविला. इतरही शेतकऱ्यांचे मोठे नुकसान या अळीमुळे झाले आहे. त्याची दखल घेत शासनाने भरपाईसाठी पुढाकार घ्यावा, अशी मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
