Fire Accident: बागलाण तालुक्यातील महड येथे चाऱ्याच्या गंजीला लागलेल्या आगीत शेतकऱ्याचा होरपळून मृत्यू झाल्याची हृदयद्रावक घटना रविवारी (ता. १२) सायंकाळी घडली. जनावरांसाठी साठवून ठेवलेला चारा वाचविण्याच्या प्रयत्नातच या शेतकऱ्याला आपला जीव गमवावा लागल्याने परिसरात हळहळ व्यक्त होत आहे..मिळालेल्या माहितीनुसार, काटवन परिसरातील महड ते कजवाडे रस्त्यालगत गट क्रमांक १६२ मध्ये ही घटना घडली. आनंदा त्र्यंबक सोनवणे (वय ६२) असे मृत शेतकऱ्याचे नाव असून ते अल्पभूधारक शेतकरी होते. त्यांच्या शेतात जनावरांसाठी साठवून ठेवलेल्या चाऱ्याच्या गंजीला अचानक आग लागली. .Wheat Crop Fire: परभणी, हिंगोलीत सहा एकरांवरील गहू आगीत जळून खाक.सायंकाळी पाचच्या सुमारास आग लागल्याचे लक्षात येताच सोनवणे यांनी आरडाओरड करत तत्काळ धाव घेत चाऱ्याला लागलेली आग विझविण्याचा प्रयत्न केला. मात्र, वाऱ्यामुळे आगीने क्षणार्धात भीषण रूप धारण केले. आगीच्या लपेटात अडकलेल्या सोनवणे यांना स्वतःचा बचाव करता आला नाही आणि ते गंभीररीत्या होरपळले. .Short Circuit Fire: शॉर्टसर्किटमुळे लागलेल्या आगीत लाखोंचे नुकसान.दरम्यान, आजूबाजूच्या शेतकऱ्यांनी घटनास्थळी धाव घेत त्यांना बाहेर काढले व तातडीने नामपूर येथील ग्रामीण रुग्णालयात दाखल केले. तेथील वैद्यकीय अधिकाऱ्यांनी प्राथमिक उपचार करून पुढील उपचारासाठी मालेगाव येथील सामान्य रुग्णालयात हलविले..परिस्थिती गंभीर असल्याने त्यांना धुळे येथील शासकीय रुग्णालयात पाठविण्या आले. मात्र, तेथे पोहोचताच वैद्यकीय अधिकाऱ्यांनी त्यांना मृत घोषित केले. जनावरांचा चारा वाचविण्यासाठी जिवाची बाजी लावणाऱ्या सोनवणे यांच्या निधनाने महाडसह संपूर्ण पंचक्रोशीत शोककळा पसरली आहे. कष्टाळू व साध्या स्वभावाच्या शेतकऱ्याचा असा दुर्दैवी अंत झाल्याने सर्वत्र हळहळ व्यक्त होत आहे. मृत सोनवणे यांच्या पश्चात पत्नी, एक मुलगा आणि तीन मुली असा परिवार असून त्यांच्या कुटुंबावर दुःखाचा डोंगर कोसळला आहे. सोमवारी (ता. १३) दुपारी त्यांच्यावर अंत्यसंस्कार करण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
