Amaravati News : खताचा वापर करताना त्यामध्ये चक्क प्लॅस्टिकचे दाणे आढळल्याचा आरोप उंबरखेड (ता. तिवसा) येथील अभिजित देवेंद्र मुंद्रे या शेतकऱ्याने केला आहे. याप्रकरणी कृषी विभागाकडे रीतसर तक्रार करण्यात आली असून चौकशीअंती पुढील कारवाईचा निर्णय घेणार असल्याचे अधिकाऱ्यांनी सांगितले. .उंबरखेड येथील अभिजित मुंद्रे या शेतकऱ्याने गावातीलच एका कृषी केंद्रातून खताची खरेदी केली होती. या खताच्या गोणीवर ऑक्टोंबर २०२४ मध्ये उत्पादित असा उल्लेख आहे. परंतु शेतकऱ्याच्या म्हणण्यानुसार त्याने हे खत जून २०२५ मध्ये खरेदी केले. या व्यवहाराची रीतसर पावती देखील त्याच्याकडे आहे..बुधवारी (ता. १०) या खताचा शिवारात वापर केला असता तीन दिवसानंतर देखील ते विरघळले नाही. त्यामुळे शंका आल्याने खताची तपासणी केली असता या खतात चक्क प्लॅस्टिकचे दाणे असल्याचे त्यांच्या निदर्शनास आले..Fake Fertilizer : बोगस खते-कीटकनाशकांच्या कारखान्यावर ‘कृषी’चा छापा .त्यांनी तत्काळ याबाबत कृषी विभागाला माहिती दिली. कृषी विभागाच्या अधिकाऱ्यांनी घटनास्थळी जात खताची पाहणी करून नमुने घेतले. त्यासोबतच संयुक्त पथकाव्दारे देखील तपासणी केली जाणार असल्याचे सांगितले. .संयुक्त पथकामध्ये कृषी विभाग, महाबीज, खत कंपनी यासह कृषी विद्यापीठाचे तज्ज्ञ देखील राहतात. त्यांचा अहवाल त्यासोबतच प्रयोगशाळेच्या अहवालाअंती या खतात प्लॅस्टिकची भेसळ करण्यात आली किंवा नाही याचा खुलासा होणार आहे. दरम्यान शेतकरी अभिजित मुंद्रे यांनी संबंधित कृषी सेवा केंद्रधारकाविरोधात कारवाईची मागणी केली आहे..Fake Fertilizer : कोल्हापुरात ८७ रासायनिक खतांचे नमुने अप्रमाणित.ऑक्टोंबर २०२४ मध्ये उत्पादित याच लॉटनंबरच्या खताचे नमुने घेण्याचा प्रयत्न कृषी विभागाचा आहे. संबंधित विक्रेत्यांकडे खताचा साठा संपल्याने उर्वरित ठिकाणी त्या कालावधीतील आणि लॉट नंबरचे खत उपलब्ध आहे का ? याची चाचपणी केली जात आहे..गैरप्रकार टाळण्यासाठी शासनाकडून निमकोटेड युरियाचा पुरवठा होत आहे. हे खत लवकर विरघळत नाही. त्यासोबतच इतरही काही कारणे असू शकतात. प्रयोगशाळेचा अहवाल व तज्ज्ञांच्या चौकशीनंतरच याचा खुलासा होईल.- संतोष खाजबागे, कृषी अधिकारी, गुणनियंत्रण.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
