Pachora News: डोंगरगाव (ता. पाचोरा) सिंचन प्रकल्पाजवळच्या परिसरात गेल्या काही दिवसांपासून शेतातील वीज पंप, केबल, शेती अवजारे व पशुधनाच्या सतत होणाऱ्या चोऱ्यांमुळे शेतकरी आर्थिक संकटात सापडले आहेत. हाताशी आलेली पिके नष्ट होण्याच्या मार्गावर असताना या चोऱ्यांमुळे शेतकरी मेटाकुटीला आले आहेत..डोंगरगाव शिवारातून शनिवारी (ता. १४) रात्रीच्या सुमारास सुमारे शंभर शेतकऱ्यांच्या शेतातील वीज पंप, केबलमधील तांब्याच्या तारा व शेतीसाठीचे उपयुक्त साहित्य अज्ञात चोरट्यांनी लंपास केले. रविवारी (ता. १५) पहाटे पिकांना पाणी भरण्यासाठी शेतकरी शेतात आल्यानंतर त्यांना चोरी झाल्याचे लक्षात आले..Farm Theft : शेतात पाइप, सिंचन यंत्रणांची नासधूस सुरूच.त्यांनी पिंपळगाव हरेश्वर पोलिसांकडे तक्रार दिल्यानंतर सहायक पोलिस अधिकारी कल्याणी वर्मा यांनी उपनिरीक्षक हिरालाल पाटील, हवलदार राहुल बेहरे, सदाशिव इंगळे, अमोल पाटील यांना घटनास्थळी पाठवले..पोलिसांनी शेत शिवारात झालेल्या चोऱ्यांची पाहणी करुन पंचनामा केला. दरम्यान, उन्हाची तीव्रता वाढत असून हाताशी आलेल्या पिकांना पाणी देणे अत्यंत गरजेचे आहे. अशा परिस्थितीत वीज पंप, केबल मधील तांब्याच्या तारा, उपयुक्त शेती साहित्य चोरीस गेल्याने पिकांना पाणी द्यावे कसे? हा यक्ष प्रश्न शेतकऱ्यांसमोर उभा ठाकला आहे..यंदा खरीप उत्पादनाचे तीन तेरा झाल्याने सर्व मदार रब्बीवर आहे. रब्बीची पिके हाताशी येण्याच्या मार्गावर असताना व त्यांना पाणी देणे गरजेचे असताना वीजपंप व केबलची चोरी शेतकऱ्यांसाठी धक्कादायक ठरली आहे. पिकांना पाणी द्यावे तरी कसे? या प्रश्नाने शेतकरी चिंताग्रस्त झाले आहेत.- माणिक पाटील, शेतकरी, डोंगरगाव (ता. पाचोरा).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.