Tractor Purchase Subsidy: राज्यात २०२६-२७ मध्ये राज्य पुरस्कृत कृषी यांत्रिकीकरण योजना राबविण्यासाठी २० कोटी रुपयांच्या निधीच्या वार्षिक कृती कार्यक्रमास प्रशासकीय मंजुरी देण्यात आली आहे. याबाबतचा शासन निर्णय कृषी, पशूसंवर्धन विभागाकडून जारी करण्यात आला आहे. या योजनेंतर्गत शेती अवजारे अथवा ट्रॅक्टर खरेदीसाठी अनुदान मिळते..राज्य पुरस्कृत कृषी यांत्रिकीकरण योजना राबविण्यास प्रशासकीय मंजुरी देण्यात आली आहे. महाडीबीटी पोर्टलवर शेतकऱ्यांमार्फत अवजारे खरेदीसाठी अनुदानासाठी प्राप्त अर्जांना पूर्वसंमती दिल्यानंतर शेतकऱ्यांना त्यांच्या पसंतीनुसार खुल्या बाजारातून खरेदीची मुभा देण्यात येते. खरेदीच्या वेळी शेतकऱ्यांनी स्वतःच्या बँक खात्यामधून चेक/डीडी/ऑनलाईन पद्धतीने देयकाची अदायगी करणे आवश्यक आहे. अशाप्रकारे शेतकऱ्यांनी अदा केलेल्या रक्कमेचा तपशील पोर्टलवर अपलोड केल्यानंतर शासनाकडून देय असलेली अनुदानाची रक्कम थेट लाभ हस्तांतर (डीबीटी) द्वारे लाभार्थी शेतकऱ्याच्या आधार संलग्न बैंक खात्यावर वर्ग करण्यात येते..Farm Machinery Subsidy: यंत्रांच्या अनुदानात ८६० कोटींची वाढ .सदर योजनेची २०२६-२७ मध्ये अंमलबजावणी करण्यासाठी २० कोटींच्या वार्षिक कृती कार्यक्रमास प्रशासकीय मान्यता देण्याची बाब विचाराधीन होती. त्यानुसार पुढील कार्यवाही करण्यात आली आहे. .सदर योजनेंतर्गत ट्रॅक्टरसाठी अनुसूचित जाती/ जमाती, महिला, अल्प व अत्यल्प भूधारक शेतकऱ्यांसाठी किमतीच्या ५० टक्के किंवा १.२५ लाख रुपये यापैकी कमी असेल ते आणि इतर शेतकऱ्यांसाठी किमतीच्या ४० टक्के किंवा १ लाख यापैकी कमी असेल ते याप्रमाणे अनुदान देण्याची तरतूद आहे..Farm Machinery Subsidy : कृषी यांत्रिकीकरण योजनेसाठी निधी वितरणास मंजूर; शासन निर्णय जारी.इतर बाबींसाठी योजनेची अंमलबजावणी करताना केंद्र शासनाकडून केंद्र पुरस्कृत कृषी यांत्रिकीकरण उप अभियानाबाबत वेळोवेळी जारी होणाऱ्या मार्गदर्शक सूचनांचे आणि अटी- शर्तीचे काटेकोरपणे पालन करण्यास सांगण्यात आले आहे. .या योजनेंतर्गत लाभार्थी निवड महाडीबीटी पोर्टलवरुन विहीत कार्य पद्धतीचा अवलंब करुन करण्यात यावी. तसेच, अनुदानाची रक्कम लाभार्थ्यांना महाडीबीटी प्रणालीद्वारे आधारसंलग्न बँक खात्यावर सार्वजनिक वित्तीय व्यवस्थापन प्रणालीद्वारे जमा करावी, असे शासन निर्णयात नमूद केले आहे..कृषी यांत्रिकीकरण उपअभियानसाठी ५०० कोटींच्या कृती आराखड्यास मंजुरीतसेच पंतप्रधान राष्ट्रीय कृषी विकास योजना अंतर्गत कृषी यांत्रिकीकरण उपअभियान योजनेसाठी २०६-२७ या आर्थिक वर्षासाठी केंद्र हिस्सा ३०० कोटी आणि त्यासाठीचा अनुरुप राज्य हिस्सा २०० कोटी या प्रमाणे एकूण ५०० कोटी निधीच्या कृती आराखड्यास मंजुरी देण्यात आली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
