Agricultural Loan Relief Maharashtra: कर्जमुक्तीची रक्कम आज किंवा उद्या बँकेत जमा होईल. ज्यांची अॅग्रीस्टॅक नोंदणी झाली त्यांना पैसे जमा होतील. पण शेतकऱ्यांनी गडबड करु नये. कारण ५६ लाख सर्व पात्र शेतकऱ्यांना कर्जमुक्ती मिळेल, असा पुनरुच्चार राज्याचे सहकारमंत्री बाबासाहेब पाटील यांनी गुरुवारी (दि. ६ ऑगस्ट) केला. राष्ट्रीयीकृत बँकेसंदर्भात काही संभ्रम होता. याबाबत सहकार विभागाचे प्रधान सचिव प्रवीण दराडे आणि सहकार आयुक्त तावरे यांनी बँकेतील व्यवस्थापकांसोबत वैयक्तिक बैठक घेऊन चर्चा केली असून या कामाने आता गती घेतली आहे, अशीही माहिती त्यांनी दिली..ते आज कोल्हापुरातील पत्रकारांशी बोलत होते. तांत्रिक अडचणीमुळे कर्जमाफीची रक्कम वितरित करण्यास अडचण येत असल्याचे त्यांनी म्हटले आहे. कर्जमाफीच्या अंमलबजावणीदरम्यान बँकांकडून 'हेअर कट'ला (विशेष तडजोड सवलत) मान्यता नसल्याने संभ्रम निर्माण झाला होता. या पार्श्वभूमीवर राज्य सरकारकडून राष्ट्रीयीकृत बँकांना या विशेष सवलतीला संमती देण्यास सांगण्यात आले आहे. .Farm Loan Waiver Scheme: कर्जमाफीसाठी १.४० लाख शेतकरी अपात्र.अनुत्पादित (एनपीए) कर्जखात्यांबाबत सरकारकडून बँकांना ‘हेअर कट’ सवलत देण्याचे निर्देश देण्यात आले आहेत. तसेच १ एप्रिल २०२६ नंतर पात्र कर्जखात्यांवर कोणतीही व्याज आकारणी करु नये, असेही निर्देशही सर्व बँकांना देण्यात आले आहेत..Farm Loan Waiver: कर्जमाफी रक्कम वितरणास विलंब का? सहकारमंत्र्यांनी सांगितलं कारण .कर्जमाफी योजनेचा लाभ पात्र शेतकऱ्यांना वेळेत मिळावा यासाठी आधार प्रमाणीकरणाची प्रक्रिया तातडीने पूर्ण करावी. ज्या शेतकऱ्यांनी अद्याप अॅग्रीस्टॅक नोंदणी केलेली नाही, अशा शेतकऱ्यांनी तत्काळ नोंदणी करुन आधार प्रमाणीकरण करावे, असे आवाहन सहकारमंत्र्यांनी केले आहे..अॅग्रीस्टॅक व आधार प्रमाणीकरण प्रक्रिया१. अॅग्रीस्टॅक नोंदणी करा.२. आवश्यक माहिती व कागदपत्रे अपलोड करा.३. आधार क्रमांक लिंक करुन प्रमाणीकरण पूर्ण करा.४. प्रमाणीकरण पूर्ण झाल्यानंतर कर्जमुक्ती योजनेचा लाभ मिळेल. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
