Saswad News: शेतकरी कर्जमाफी धोरणातील विसंगतीमुळे सहकार क्षेत्राचा कणा असलेला प्रामाणिक शेतकरी आज तुटपुंज्या ५० हजारांच्या प्रोत्साहन अनुदानाने स्वतःला फसवले गेल्याची भावना व्यक्त करत आहे. .‘पुण्यश्लोक अहिल्यादेवी होळकर योजने'अंतर्गत थकबाकीदारांना दोन लाखांपर्यंतची कर्जमाफी जाहीर झाली असली, तरी दुसरीकडे, दोन लाखांहून अधिक थकबाकी असलेल्या शेतकऱ्यांबाबत शासनाने अद्याप आपली भूमिका स्पष्ट केलेली नाही. मागील कर्जमुक्ती योजनेमध्ये अशा शेतकऱ्यांना डावलण्यात आले होते, त्यामुळे या वेळेस तरी त्यांना दिलासा मिळणार की ते पुन्हा मदतीपासून वंचित राहणार, याबाबत मोठी संदिग्धता आहे..Farmer Loan Waiver 2026 : २ लाखांपर्यंत शेतकरी कर्जमाफीची अर्थसंकल्पात घोषणा; मुख्यमंत्री फडणवीसांचा मोठा निर्णय.रक्ताचे पाणी करून आणि प्रसंगी सावकाराकडून उसने पैसे घेऊन बँकांची पत राखणाऱ्या नियमित कर्जदारांना केवळ ५० हजारांचे प्रोत्साहन देऊन सरकारने त्यांच्या जखमेवर मीठ चोळल्याची टीका होत आहे. शासनाच्या या दुजाभावामुळे ‘कर्ज थकवा आणि लाखांची माफी मिळवा’ असा चुकीचा संदेश ग्रामीण भागात जात असून, याचा थेट परिणाम भविष्यातील कर्ज वसुलीवर होण्याची चिन्हे आहेत..Farmer loan waiver: आश्वासन कर्जमुक्तीचे; मात्र अटी-शर्थींसह शेतकऱ्यांची फसवणूक - उद्धव ठाकरे.जिल्हा बँका आणि विकास सोसायट्यांचे अस्तित्व हे केवळ वेळेवर कर्ज भरणाऱ्या शेतकऱ्यांवर अवलंबून असते; मात्र प्रत्येक वेळी थकबाकीदारांना झुकते माप मिळाल्याने तरुण शेतकऱ्यांच्या मनात ‘प्रामाणिक राहून काय मिळते?’ असा उद्विग्न प्रश्न उभा राहिला आहे. निसर्गाचा लहरीपणा आणि कोसळलेल्या बाजारभावामुळे आधीच आर्थिक कोंडीत सापडलेल्या बळीराजाला सत्ताधारी आणि विरोधक या दोघांनीही वाऱ्यावर सोडल्याचे चित्र आहे..नियमित कर्जफेड करणाऱ्यांना काहीच मिळत नाही. थकबाकीदारांना कर्ज माफ होते. त्यामुळे आपण कर्जफेड केली नसती तर बरे झाले असते अशी भावना होते. किमान दीड लाखापर्यंत तरी प्रोत्साहन अनुदान मिळायला हवे होते. प्रदीप पोमण, खजिनदार, महाराष्ट्र राज्य अंजीर उत्पादक संशोधन संघ.प्रामाणिक कर्जदारांच्या प्रोत्साहन अनुदानात भरीव वाढ हवी. थकबाकीदारांच्या कर्जमाफी मुळे संस्था पातळीवर काम करणाऱ्या सचिव, चेअरमन, व्हाईस चेअरमन, संचालक मंडळाला संस्था वाढीसाठी काम करणे अडचणीचे होणार आहे. रवींद्रनाथ ताकवले, चेअरमन, हरगुडे विकास कार्यकारी सोसायटी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
