Farm Loan Waiver Updates: राज्य सरकारने २०१७ मध्ये जाहीर केलेल्या कर्जमाफी योजनेचा लाभ अद्याप ६ लाख ५६ हजार शेतकऱ्यांना मिळालेला नाही. पण या पात्र शेतकऱ्यांना लाभ देण्यासाठी कार्यवाही सुरु असल्याची माहिती सहकार मंत्री बाबासाहेब पाटील यांनी शुक्रवारी (दि. २७ फेब्रुवारी) विधानसभेत दिली. याबाबत ठाकरेंच्या शिवसेनेचे आमदार भास्कर जाधव आणि इतरांनी प्रश्न विचारला होता. त्यावर सहकारमंत्र्यांनी लेखी उत्तरातून खुलासा केला आहे..राज्य शासनाच्या छत्रपती शिवाजी महाराज शेतकरी कर्जमाफी योजना व महात्मा ज्योती फुले शेतकरी कर्जमुक्ती योजना आणि याशिवाय पीक कर्जाची नियमित परतफेड करणाऱ्या शेतकऱ्यांना प्रोत्साहन अनुदान आदी दोन्ही योजनांचा विषय ५ वर्षे प्रलंबित असल्याचे निदर्शनास आले आहे. तसेच सदर शेतकऱ्यांसाठी ५ हजार ९०० कोटी इतक्या रकमेची मागणी सहकार विभागाने वित्त विभागाकडे करुनही ५०० कोटी रुपयांची तरतूद डिसेंबर २०२५ च्या हिवाळी अधिवेशनातील पुरवणी मागण्यांमधून करण्यात आली होती. अपुऱ्या निधीच्या तरतुदीमुळे अनेक पात्र शेतकऱ्यांची कर्जमुक्ती होण्यास अडथळा होणार आहे, या गोष्टींचा खुलासा करण्याची मागणी करण्यात आली होती. यावर सहकारमंत्र्यांनी ही माहिती अंशत: खरी असल्याचे लेखी उत्तरातून स्पष्ट केले आहे. .छत्रपती शिवाजी महाराज शेतकरी सन्मान योजना २०१७ अंतर्गत लाभास पात्र असलेल्या ५०.६० लाख शेतकऱ्यांपैकी ४४.०४ लाख शेतकऱ्यांना योजनेचा लाभ देण्यात आला आहे. तसेच सदर योजनेअंतर्गत पात्र असलेल्या ६.५६ लाख शेतकऱ्यांना लाभ देण्याच्या अनुषंगाने कार्यवाही सुरु असल्याचे सहकार मंत्री पाटील यांनी म्हटले आहे..Farm Loan Waiver: शेतकऱ्यांना कर्जमाफी नेमकी कधी?; मुख्यमंत्री फडणवीस यांची विधानसभेत महत्त्वाची माहिती.त्याचप्रमाणे महात्मा जोतीराव फुले शेतकरी कर्जमुक्ती योजना २०१९ अंतर्गत पात्र असलेल्या ३२.४२ लाख शेतकऱ्यांपैकी ३२.२९ लाख शेतकऱ्यांना कर्जमाफीचा लाभ देण्यात आला आहे. त्याचप्रमाणे महात्मा जोतीराव फुले शेतकरी कर्जमुक्ती योजना २०१९ अंतर्गत प्रोत्साहनपर लाभ योजनेअंतर्गत योजनेच्या निकषानुसार पात्र असलेल्या व आधार प्रमाणिकरण केलेल्या १४.५० लाख शेतकऱ्यांना प्रत्यक्ष लाभ देण्यात आला असल्याची माहिती त्यांनी दिली आहे..छत्रपती शिवाजी महाराज शेतकरी सन्मान योजना २०१७ ची संगणकीय प्रणाली कार्यान्वित करण्यासाठी शासनाने ३ डिसेंबर २०२५ रोजी मान्यता दिली. सदर योजनेकरीता २०२५ च्या हिवाळी अधिवेशनातवित्त विभागाकडून पुरवणी मागणीद्वारे मंजूर करण्यात आलेला ५०० कोटी निधी वितरीत करण्याची कार्यवाही सुरु आहे. तसेच सन २०२६-२७ या आर्थिक वर्षामध्ये या योजनेकरीता ५,९७५.५१ कोटी नियतव्ययाची मागणी नियोजन व वित्त विभागास करण्यात आली असल्याचे सहकारमंत्र्यांनी सांगितले. .Farm Loan Waiver: अमरावती जिल्ह्यातील तीन हजार शेतकरी कर्जमुक्तीपासून वंचित राहणार.५२.८० लाख कर्ज खात्यांची माहिती प्राप्तशेतकऱ्यांची थकित कर्जाच्या विळख्यातून सोडवणूक करण्यासाठी अल्पकालीन आणि दीर्घकालीन उपाययोजनांची शिफारस शासनाकडे करण्यासाठी ३० ऑक्टोबर २०२५ रोजी उच्चाधिकारी समिती गठीत करण्यात आली आहे. या समितीच्या अभ्यासासाठी राज्यातील बँकांमार्फत शेतकऱ्यांना दिलेल्या कृषी कर्जाची व ३० जून २०२५ आणि ३० सप्टेंबर २०२५ रोजीच्या थकीत कर्जाची त्याचप्रमाणे मागील पाच वर्षांमध्ये पीक कर्जाची नियमित परतफेड करणाऱ्या शेतकऱ्यांच्या कर्जाची माहिती बँकांकडून मागवण्यात आली आहे. यापैकी बँकांकडील अपेक्षित ५४.६३ लाख थकीत कर्ज खात्यापैकी ५२.८० लाख कर्ज खात्यांची माहिती मिळाली. या माहितीचे विश्लेषण उच्चाधिकारी समितीमार्फत करण्याची कार्यवाही सुरु आहे. यानंतर समितीकडून उपाययोजना, शिफारशी अपेक्षित आहेत. उच्चाधिकार समितीने अद्याप शासनास अहवाल सादर केलेला नाही, असे लेखी उत्तरात नमूद केले आहे..सन २०२५ च्या खरीप हंगामात अतिवृष्टी व पूरबाधित झालेल्या तालुक्यातील बाधित शेतकऱ्यांना द्यावयाच्या सवलतीबाबत महसूल व वन विभागाकडील १० ऑक्टोबर २०२५ रोजीच्या शासन निर्णयास अनुसरुन राज्यातील बाधित शेतकऱ्यांच्या सहकारी पीक कर्जाचे पुनर्गठन व शेतीशी निगडीत कर्जाच्या वसुलीस स्थगिती (१ वर्षासाठी) देण्याबाबत राज्यस्तरीय बँकर्स समिती (SLBC), महाराष्ट्र राज्य सहकारी बँक त्याचप्रमाणे जिल्हा मध्यवर्ती सहकारी बँकांना २६ नोव्हेंबर २०२५ रोजीच्या शासन परिपत्रकाच्या माध्यमातून सूचना देण्यात आल्या आहेत, असे सहकारमंत्र्यांनी म्हटले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
