Mumbai News : विधानसभा निवडणुकीत शेतकऱ्यांचा सातबारा कोरा करू, असे आश्वासन देऊन आता अटी आणि शर्ती लावण्यात आल्या आहेत. मागील वर्षी अतिवृष्टी आणि अवकाळी पावसाने शेतकऱ्यांचे कंबरडे मोडले आहे. या पार्श्वभूमीवर सरकारने जाहीर केलेली कर्जमाफी म्हणजे शेतकऱ्यांची फसवणूक असल्याचा आरोप सोमवारी (ता. ९) विधानपरिषदेत करण्यात आला. तसेच ‘पात्र शेतकरी’ म्हणजे नेमके कोण’, असा सवालही सदस्यांनी उपस्थित केला..नियम २८९ अन्वये काँग्रेसचे सदस्य अभिजित वंजारी यांनी दाखल केलेल्या स्थगन प्रस्तावावर बोलताना राष्ट्रवादी काँग्रेसचे शशिकांत शिंदे यांनी सरकारवर फसवणुकीचा आरोप केला.श्री. वंजारी म्हणाले, की अर्थसंकल्प सादर करताना मुख्यमंत्री देवेंद्र फडणवीस यांनी राज्यातील सप्टेंबर २०२५ पर्यंत थकीत असलेल्या शेतकऱ्यांना कर्जमाफी जाहीर केली आहे..Farm Loan Waiver: 'निकषांचा खेळ सोडा, शेतकऱ्यांचा सात-बारा कोरा करा', विरोधकांची मागणी.यात पात्र शेतकऱ्यांना त्याचा लाभ देता येईल, असे नमूद करण्यात आले आहे. मात्र ‘पात्र शेतकरी’ हा शब्दप्रयोग केल्याने शेतकऱ्यांच्या मनात संभ्रम निर्माण झाला आहे. नेमके कोणते शेतकरी पात्र असतील आणि त्यांना कसा लाभ मिळणार, या बाबत स्पष्टता नाही. हा संभ्रम दूर करण्यासाठी शासनाने चर्चा करणे आवश्यक आहे, म्हणून स्थगन प्रस्तावावर चर्चा व्हावी, अशी मागणी त्यांनी केली..शशिकांत शिंदे म्हणाले, की सत्तेवर येण्यापूर्वी संपूर्ण कर्जमाफी करून सातबारा कोरा करू, असे आश्वासन देण्यात आले होते. मात्र ते पूर्ण झालेले नाही. मुख्यमंत्र्यांनी अर्थसंकल्पात दोन लाख रुपयांपर्यंत कर्जमाफी आणि ५० हजार रुपयांचे प्रोत्साहन अनुदान देण्याची घोषणा केली आहे. मागील हंगामात अतिवृष्टी, अवकाळी पावसामुळे शेतकरी कर्जबाजारी झाला आहे. पुढील वर्षी दुष्काळाचे सावट असल्याचेही मुख्यमंत्र्यांनी सांगितले आहे. .Farm Loan Waiver: दोन लाखांपर्यंत कर्जमाफी.हे गांभीर्य लक्षात घेता जाहीर केलेली कर्जमाफी ही शेतकऱ्यांची फसवणूक असल्याचा आरोप त्यांनी केला. शेतकरी आत्महत्यांचे सत्र सुरू असल्याने या विषयावर स्थगन प्रस्तावाद्वारे चर्चा व्हावी, अशी मागणी त्यांनी केली. यावर सभापती राम शिंदे यांनी हा प्रस्ताव दालनात नाकारण्यात आला असला, तरी सरकारने याची गंभीर दखल घ्यावी, असे निर्देश दिले..सातबारा कोरा कराकर्जमाफीची घोषणा फसवी असल्याचा आरोप करत महाविकास आघाडीच्या सदस्यांनी सोमवारी विधानभवनाच्या पायऱ्यांवर जोरदार निदर्शने केली. ‘‘निकषांचा खेळ सोडा आणि शेतकऱ्यांचा सातबारा कोरा करा’’, ‘‘शेतकरी उपाशी - कंत्राटदार, बिल्डर तुपाशी’’ अशा घोषणा देण्यात आल्या. या वेळी काँग्रेसचे विधानसभेतील गटनेते विजय वडेट्टीवार, विधान परिषदेतील गटनेते सतेज पाटील, आमदार शशिकांत शिंदे, संदीप क्षीरसागर, विकास ठाकरे, सचिन अहिर, हारून खान, बाळा नर यांच्यासह इतर आमदार उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
