Farm Loan Waiver Scheme Maharashtra Update: राज्यात शेतकऱ्यांच्या कर्जमाफीची प्रक्रिया सुरु आहे. या पार्श्वभूमीवर कृषी राज्यमंत्री ॲड. आशिष जयस्वाल यांनी महत्त्वाचे निर्देश दिले आहेत. शेतकऱ्यांना पीक कर्ज मंजुरीसाठी सिबिलचा अनावश्यक आग्रह धरू नये. तसेच पीक कर्ज वितरणात कोणत्याही प्रकारचा अडथळा निर्माण होऊ नये, असे निर्देश त्यांनी दिले आहेत..कृषी राज्यमंत्र्यांनी आज त्यांच्या रामटेक विधानसभा मतदारसंघात शेतकरी कर्जवाटप आणि कर्जमाफी संदर्भात रामटेक उपविभागीय अधिकारी कार्यालयात आढावा बैठक घेतली. त्यावेळी त्यांनी महत्त्वाच्या सूचना केल्या..Farm Loan Waiver: कर्जमुक्ती योजनेतील दोन अटी रद्द; शरद पवारांनी मानले सरकारचे आभार, शेतकरी नेत्यांकडूनही निर्णयाचे स्वागत.कर्जमाफीचा लाभ घेतलेल्या पात्र शेतकऱ्यांनाही नियमानुसार नव्याने पीक कर्ज उपलब्ध करून देणे. तसेच कृषी क्षेत्राशी संलग्न पूरक व्यवसायांसाठी किसान क्रेडिट कार्ड (KCC) योजनेचा लाभ अधिकाधिक लाभार्थ्यांपर्यंत पोहोचविण्यासाठी आवश्यक कार्यवाही करण्याच्या सूचनाही त्यांनी यावेळी दिल्या..Farm Loan Waiver: शेतकरी कर्जमाफी योजनेत मोठा बदल, 'त्या' शेतकऱ्यांना ५० हजारांऐवजी २ लाखांपर्यंत लाभ, पीक कर्जाची अटही रद्द.तसेच व्याज सवलत योजनेचे प्रस्ताव विहित मुदतीत शासनाकडे सादर करणे, पुण्यश्लोक अहिल्यादेवी होळकर शेतकरी कर्जमुक्ती योजनेची प्रभावी अंमलबजावणी सुनिश्चित करणे, तसेच डिजिटल स्वाक्षरीयुक्त ७/१२ उतारा उपलब्ध असताना तलाठी यांच्या स्वतंत्र स्वाक्षरीची मागणी करू नये, अशा सूचनादेखील त्यांनी संबंधित यंत्रणांना दिल्या. या बैठकीस सरकारी अधिकारी तसेच बँकांचे अधिकारी उपस्थित होते..महात्मा ज्योतिराव फुले शेतकरी कर्जमुक्ती योजनेचा लाभ घेतलेल्या शेतकऱ्यांना आता ५० हजारांऐवजी २ लाख रुपयांचा लाभ मिळणार आहे. यापूर्वी अशा शेतकऱ्यांना नव्या योजनेत मर्यादित लाभ देण्यात आला होता. पण ही अट हटविण्यात आल्याने सर्व पात्र शेतकऱ्यांनाही २ लाख रुपयांपर्यंतच्या कर्जमुक्तीचा लाभ मिळण्याचा मार्ग मोकळा झाला. तसेच शेतकऱ्यांसाठी २०२६-२७ मध्ये नवीन कर्ज घेऊन ते वेळेत परतफेड करण्याची अटही रद्द केली आहे. यामुळे नियमित परतफेड करणाऱ्या शेतकऱ्यांना मोठा दिलासा मिळाला आहे. .सध्या राष्ट्रीयीकृत बँका, व्यापारी बँका, खासगी बँका तसेच जिल्हा मध्यवर्ती सहकारी बँकांकडील माहितीच्या आधारे पात्र लाभार्थी शेतकऱ्यांची यादी तयार केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
