Government Farm Scheme: पुण्यश्लोक अहिल्यादेवी होळकर शेतकरी कर्जमुक्ती योजना-२०२६ अंतर्गत पात्र शेतकऱ्यांच्या याद्या लवकरच प्रसिद्ध करण्यात येणार आहेत. पात्र शेतकऱ्यांनी यादीत आपले नाव समाविष्ट असल्याची खात्री करून कर्ज खाते क्रमांक, कर्जाची रक्कम व इतर तपशील अचूक असल्याची पडताळणी करावी, असे आवाहन जिल्हाधिकारी राहुल कर्डिले व जिल्हा उपनिबंधक शाहूराज हिरे यांनी केले आहे..महाराष्ट्र शासनाच्या या योजनेअंतर्गत पात्र शेतकऱ्यांना कर्जमुक्तीचा लाभ देण्यासाठी लाभार्थ्यांच्या याद्या गाव चावडी, ग्रामपंचायत, बँकांच्या शाखा, ‘आपले सरकार’ सेवा केंद्र तसेच विविध कार्यकारी सहकारी संस्था येथे उपलब्ध करून देण्यात येणार आहेत..Farm Loan Waiver: पहिल्या टप्प्यात १७ लाख शेतकऱ्यांना कर्जमाफी, ३१ जुलैपूर्वी खात्यात पैसे जमा होणार, गावोगावी याद्या पाठवल्या, मुख्यमंत्र्यांची माहिती.याद्या प्रसिद्ध झाल्यानंतर शेतकऱ्यांनी त्यामधील आपले नाव, कर्ज खाते क्रमांक, कर्जाची रक्कम व इतर माहितीची पडताळणी करावी. यादीतील विशिष्ट क्रमांक घेऊन जवळच्या ‘आपले सरकार’ सेवा केंद्रात जाऊन आधारचे बायोमेट्रिक प्रमाणीकरण करून घ्यावे..Farm Loan Waiver: मुहूर्तालाच ग्रहण.ज्या शेतकऱ्यांनी अद्याप ॲग्रीस्टॅक (फार्मर आयडी) नोंदणी पूर्ण केलेली नाही, त्यांनी ती तातडीने पूर्ण करावी. लाभार्थी यादीतील आधार क्रमांक, कर्ज खाते क्रमांक व कर्जाची रक्कम याबाबत सहमती दिल्यानंतर बायोमेट्रिक प्रमाणीकरण करण्यात येईल. .प्रमाणीकरण पूर्ण झाल्यानंतर मंजूर कर्जमुक्तीची रक्कम संबंधित बँकेतील कर्ज खात्यात जमा करण्यात येणार आहे. जिल्ह्यातील सर्व पात्र लाभार्थी शेतकऱ्यांनी या प्रक्रियेत सहभागी होऊन योजनेचा लाभ घ्यावा, असे आवाहन जिल्हाधिकारी राहुल कर्डिले व जिल्हा उपनिबंधक शाहूराज हिरे यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
