Pesticide Prices: खरिपाचा हंगाम ऐन भरात असताना शेतीच्या उत्पादन खर्चावरील दबाव कायम असल्याचे चित्र आहे. डिझेल, खते, कीटकनाशके, वीज, चारा आणि शेती यंत्रे या निविष्ठांच्या दरवाढीचा वेग जुलैमध्ये किंचित मंदावला असला, तरी तो दुहेरी अंकात म्हणजेच १०.९ टक्के राहिला. जूनमध्ये हेच प्रमाण ११.७ टक्के होते. भारतीय रिझर्व्ह बँकेच्या ऑगस्टच्या मासिक बुलेटिनमधून ही आकडेवारी समोर आली आहे..घाऊक किंमत निर्देशांकातील डिझेल, चारा, वीज, खते, कीटकनाशके तसेच शेती व वनीकरण यंत्रे या घटकांच्या आधारे हा आकडा काढला जातो. म्हणजेच, शेतकऱ्याच्या उत्पादन खर्चातील प्रमुख बाबींची ही एकत्रित स्थिती आहे. उद्योगांच्या बाबतीत हेच प्रमाण जुलैमध्ये १५ टक्के होते. जूनमधील १६.२ टक्क्यांच्या तुलनेत त्यात घट झाली आहे. शेती आणि उद्योग या दोन्ही क्षेत्रांवरील खर्चाचा दबाव किंचित मंदावला असला, तरी तो अद्याप उच्च पातळीवरच असल्याचे बुलेटिनमध्ये नमूद करण्यात आले आहे..Delayed Sowing Impact: प्रमुख पीक उत्पादनात ७ टक्के घट शक्य.एकूण घाऊक महागाई जुलैमध्ये ९.८ टक्के राहिली. जूनमध्ये ती ९.९ टक्के होती. इंधन व ऊर्जा गटातील महागाई मेमधील ३०.८ टक्क्यांच्या उच्चांकावरून जुलैमध्ये २० टक्क्यांवर आल्याने एकूण घाऊक महागाईत किंचित घट झाली. मात्र प्राथमिक वस्तू आणि उत्पादित वस्तू या दोन्ही गटांच्या दरांत वाढ झाली..पेट्रोल, डिझेल आणि घरगुती गॅसचे किरकोळ दर ऑगस्टमध्ये २१ तारखेपर्यंत स्थिर राहिले. मे महिन्यात पेट्रोलच्या दरात ७.४ टक्के, तर डिझेलच्या दरात ८.४ टक्के वाढ करण्यात आली होती..भारतीय बास्केटमधील कच्च्या तेलाचा दर मात्र ऑगस्टमध्ये सरासरी ८९.७ डॉलर प्रति पिंप राहिला असून, तो जून आणि जुलैच्या सरासरी दरापेक्षा अधिक आहे..Kharif Fertilizers Sales: खरिपाचे खुरटलेले खतपाणी.दरांची स्थिती अशी असली, तरी खतांच्या पुरवठ्यात कोणतीही अडचण नाही. केंद्रीय कृषी मंत्रालयाच्या पीक व हवामान निरीक्षण गटाच्या १७ ऑगस्टच्या साप्ताहिक अहवालानुसार, खरीप हंगामात सर्व प्रकारच्या खतांचा पुरवठा सुरळीत आहे..युरिया, डीएपीचा पुरेसा साठा१४ ऑगस्टअखेर युरियाची उपलब्धता १९५.१५ लाख टन असून, संपूर्ण हंगामाची गरज १९०.३२ लाख टन आहे. आतापर्यंत १३५.४२ लाख टनांची विक्री झाली असून, ५९.७३ लाख टन शिल्लक आहे. डीएपीच्या बाबतीत हे आकडे अनुक्रमे ४८.८४, ३१.४४ आणि १७.४० लाख टन असे आहेत. डीएपीचा प्रारंभीचा साठाच गेल्या खरीप हंगामापेक्षा ११.७८ लाख टनांनी अधिक होता. म्युरेट ऑफ पोटॅश १४.८६ लाख टन, संयुक्त खते ९३.५८ लाख टन आणि सिंगल सुपर फॉस्फेट ४२.५२ लाख टन उपलब्ध आहे. सर्व प्रमुख खते मिळून ३९४.९५ लाख टन उपलब्ध असून, हंगामाची एकूण गरज ३८३.९२ लाख टन आहे..ठळक बाबीरिझर्व्ह बँकेच्या मासिक अहवालातील नोंदी.दरवाढीचा वेग मंदावला, मात्र पातळी उंचीवरच.सर्व प्रमुख खतांची उपलब्धतागरजेपेक्षा अधिक..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
