Nashik News: यंदा मका उत्पादनातून आर्थिक लाभ मिळेल, ही अपेक्षा फोल ठरल्याने शेतकऱ्यांनी आंदोलनाचे हत्यार उगारले आहे. सरकारी धोरणांविरोधात आपला आक्रोश व्यक्त करण्यासाठी त्यांनी रयत क्रांती संघटनेच्या नेतृत्वाखाली नामपूर कृषी उत्पन्न बाजार समितीसमोर रास्ता रोको आंदोलन केले..यंदा मक्याचे दर कमालीचे घसरले आहेत. शेतकऱ्यांना दीड महिन्यापासून प्रति क्विंटल केवळ ८०० ते १४०० रूपयांचा दर मिळत आहे. परिणामी उत्पादनखर्चही भरून निघत नसल्याने शेतकऱ्यांमध्ये संताप आहे. या पार्श्वभूमीवर शेतकऱ्यांचा आक्रोश मांडण्यासाठी रयत क्रांती संघटनेचे माजी प्रदेशाध्यक्ष दीपक पगार यांच्या नेतृत्वाखाली गुरुवारी (ता. २७) नामपूर कृषी उत्पन्न बाजार समितीसमोर शेतकऱ्यांनी दोन तास रस्ता रोको आंदोलन केले..Farmers Protest: ...अन्यथा आंदोलनाची पुनरावृत्ती होईल.केंद्र सरकारने मक्याला २४०० रुपये प्रति क्विंटल किमान आधारभूत किंमत जाहीर केली आहे. मात्र असे असतानाही व्यापारी पडत्या दराने खरेदी करत आहेत. त्यामुळे शेतकऱ्यांचे आर्थिक नुकसान होत असून व्यापारी त्याचा गैरफायदा घेत असल्याचे आंदोलकांचे म्हणणे आहे. सकाळी साडेदहा वाजता रास्ता रोको आंदोलनाला सुरुवात झाली. यावेळी पगार यांच्यासह शेतकरी व संघटनेचे कार्यकर्ते मोठ्या संख्येने उपस्थित होते..शेतकऱ्यावर अस्मानी व सुलतानी असे दोन्ही प्रकारचे संकट आले आहे. येत्या आठ दिवसांत हमीभावाने मका खरेदी न केल्यास तीव्र स्वरूपाचे आंदोलन करू, असा इशारा यावेळी देण्यात आला. आंदोलनात रयत क्रांती संघटनेचे जिल्हाध्यक्ष प्रवीण अहिरे, बाळासाहेब चौधरी, उत्तर महाराष्ट्र समन्वयक विशाल पवार, .Punjab farmers protest: ...तर २०२० मधील आंदोलनाची पुनरावृत्ती होईल, वीज, बियाणे विधेयकांविरोधात पंजाबमधील शेतकऱ्यांचा इशारा.तालुकाध्यक्ष मयूर नेरकर, शेतकरी संघटनेचे तालुकाध्यक्ष केशव सूर्यवंशी, विनोद पाटील, किरण पाटील, बिपीन सावंत, भास्कर बागुल, देविदास अहिरे, समाधान अहिरे आदी उपस्थित होते. सहायक पोलिस निरीक्षक सागर काळे, महसूल विभागाचे मंडळ अधिकारी श्री. निकम आंदोलनस्थळी आल्यानंतर आंदोलकांनी त्यांना आपल्या मागण्यांचे निवेदन दिले..प्रमुख मागण्यामका फेडरेशनच्या माध्यमातून खरेदी त्वरित चालू करावी.गेल्या दीड महिन्यापासून कमी दरात विक्री झालेल्या मक्याला अनुदान द्यावे.नाफेड व एनसीसीएफ यांनी खरेदी केलेला कांदा देशांतर्गत पाठवू नये.कमी दरात विक्री झालेल्या कांद्याला हजार रुपये अनुदान द्यावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
