Solapur News: साखर कारखान्यांकडून ऊस वजनात होणारी संभाव्य लूट थांबवण्यासाठी आणि शेतकऱ्यांच्या तक्रारींचे निवारण करण्यासाठी जिल्हाधिकारी कुमार आशीर्वाद यांनी कडक पावले उचलली आहेत. जिल्ह्यातील साखर कारखान्यांच्या वजनकाट्यांची पारदर्शक तपासणी करण्यासाठी 'भरारी पथकाची' स्थापना करण्यात आली असून, यामध्ये महसूल, पोलिस, वैधमापन शास्त्र विभाग आणि शेतकरी प्रतिनिधींचा समावेश करण्यात आला आहे..जिल्हाधिकाऱ्यांनी प्रसिद्ध केलेल्या पत्रकानुसार, प्रत्येक तालुक्यासाठी स्वतंत्र भरारी पथक कार्यरत असेल. या पथकाचे प्रमुख संबंधित तालुक्याचे तहसीलदार असतील, तर सदस्य सचिव म्हणून उपनियंत्रक, वैध मापनशास्त्र विभाग हे असणार आहेत. सदस्यांमध्ये संबंधित पोलिस ठाण्याचे ठाणे अंमलदार, साखर विभागाचे विशेष लेखापरीक्षक आणि तहसीलदार नियुक्त शेतकरी प्रतिनिधी असतील, हे भरारी पथक कोणत्याही पूर्वसूचनेशिवाय साखर कारखान्यांना अचानक भेटी देणार आहे..Sugar Industry Crisis: कारखान्यांची स्पर्धा साखरेच्या मुळावर.तसेच ऊस वजनाबाबतच्या तक्रारींवर आळा घालण्यासाठी प्रत्यक्ष काट्यांची अचूकता तपासेल, शेतकऱ्यांना वजनाची योग्य पावती मिळते की नाही, याची खात्री करेल, वजनकाट्यात सॉफ्टवेअर किंवा यंत्रणेद्वारे फेरफार होऊ नये, यासाठी शेतकरी प्रतिनिधींच्या उपस्थितीत काटे कॅलिब्रेट करून ते ‘सील’ करेल, त्यानंतर दोषी आढळल्यास फौजदारी किंवा कायदेशीर कारवाई केली जाणार आहे..Sugar Industry: तिढा एफआरपी अन् ‘एमएसपी’चा!.पारदर्शकतेसाठी संपर्क क्रमांक जाहीर होणारशेतकऱ्यांना तक्रार करणे सोपे जावे, यासाठी भरारी पथकातील सर्व सदस्यांची नावे आणि त्यांचे संपर्क क्रमांक साखर कारखाना कार्यक्षेत्रात आणि सार्वजनिक ठिकाणी प्रसिद्ध करण्याच्या सूचना तहसीलदारांना देण्यात आल्या आहेत. तसेच, या पथकांनी केलेल्या कार्यवाहीचा अहवाल दर १५ दिवसांनी जिल्हाधिकारी कार्यालयाला सादर करणे बंधनकारक करण्यात आले आहे..ऊस वजन काट्यात फेरफार करून शेतकऱ्यांची फसवणूक होत असल्याच्या तक्रारी येत आहेत. हे रोखण्यासाठी पारदर्शक पद्धतीने वजनकाटे सीलबंद करण्याच्या सूचना दिल्या आहेत. गैरप्रकार करणाऱ्या कारखान्यांची गय केली जाणार नाही.कुमार आशीर्वाद, जिल्हाधिकारी, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
